26 Shtator 2022

Ambasada Amerikane mbështetë Prokurorinë Themelore në Gjakovë

Gjakovë, 21 korrik – U.D. Kryeprokurori i Prokurorisë Themelore në Gjakovë, Enis Gashi, ka pritur në takim zëvendësen e ndihmës-sekretarit amerikan të Çështjeve Ndërkombëtare të Narkotikëve dhe Zbatimit të Ligjit, ambasadoren Lisa A. Johnson, e cila po qëndron në Kosovë me qëllim të angazhimit konkret të SHBA-ve në fuqizimin e sundimit të ligjit në Kosovë si dhe zbatimit të standardeve ndërkombëtare nga institucionet e Republikës së Kosovës.

Në këtë takim morën pjesë edhe prokurori Sadri Alija, koordinator për rastet e dhunës në familje, përfaqësues nga Policia në Gjakovë,  Zyra për Mbrojtje dhe Ndihmë Viktimave, si dhe, përfaqësues të Shtëpisë së Sigurtë në Gjakovë.

Në këtë takim ndër tjera është diskutuar rreth projekteve të financuar nga Ambasada e SHBA-së në Kosovë, ku përveç tjerash ambasadorja Johnson, është njoftuar për aktivitetet konkrete të prokurorisë që ndërmerren në vazhdimësi për parandalimin e dhunës në familje.

U.D. Kryeprokurori i Prokurorisë Themelore në Gjakovë, Enis Gashi, ka shprehur falënderime në lidhje me projektin e realizuar në Prokurorinë Themelore Gjakovë të mbështetur nga Ambasada Amerikane në Kosovë, dhomës për intervistimin e të miturve dhe në rastet e dhunës në familje, duke cekur së me këtë dhomë janë krijuar kushte më të mira për intervistimin e të miturve dhe rasteve të dhunës në familje, po ashtu, u diskutua edhe për bashkëpunimin dhe koordinimin e prokurorisë dhe institucionet të tjera, me qëllim të arritjes së objektivave për një rezultat sa më të mirë. 

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)