13 Dhjetor 2019

Zgjedha e senatorit në Fakultetin e Mjekësisë me një mori parregullsish

Prishtinë, 3 tetor - Pas pensionimit të senatores së UP-së, profesoreshës Myrvete Paçarada, Fakulteti i Mjekësisë organizoi më 19 shtator 2019 zgjedhjet për senator të ri, në të cilat morën pjesë dy kandidatë. Rezultatet e këtyre zgjedhjeve ishin: 98 vota për profesor Fisnik Kurshumliun, e 96 për profesor Fehim Halitin, kurse 5 vota të pavlefshme.

Më 30 shtator 2019 Komisioni i Zgjedhjeve në Fakultetin e Mjekësisë nxori vendim (pa nënshkrim) për rishpalljen e zgjedhjeve më 2 tetor 2019, ngaqë «asnjëri nga kandidatët nuk kishte marrë shumicën absolute të votave".

Sipas Rregullores mbi Zgjedhjet në UP «përfaqësuesit e Fakultetit në Senatin e UP-së, zgjedhen me shumicën absolute. Shumica absolute është kur kandidat-i/ja merr 50% të votave, plus një votë të numrit të përgjithshëm të personave me të drejtë vote. Nëse asnjëri nga kandidatët nuk merr shumicën e votuesve potencialë, zgjedhjet përsëriten".

ADMOVERE konsideron se rregulli i shumicës absolute është problematik për shkak të probablitetit të ulët që një kandidat i vetëm të arrijë një shumicë që e tejkalon gjysmën e masës me të drejtë vote.

 Një rregull i tillë për Fakultetin e Mjekësisë, ku asnjë nga kandidatët nuk mund ta kalojnë vetë 50%-shin absolut, është i pakuptimtë për shkak se zgjedhjet përsëriten dhe kjo shkakton lodhje të votuesve dhe shpenzim të resurseve, gjë për të cilën më 2 tetor 2019 edhe u ankuan dhjetëra votues te Komisioni për Zgjedhje.

Sido që të jetë, Komisioni për Zgjedhje i Fakultetit të Mjekësisë pranoi që zgjedhjet më 2 tetor 2019 t’i vëzhgojë një përfaqësues nga ADMOVERE (hulumtuesi Ardit Kika), e që, për fat të keq, ishte i vetmi vëzhgues, edhe pse në fazën e numërimit të votave u bashkëngjiten edhe dy vëzhgues të tjerë që ishin kolegë të kandidatëve. Duhet theksuar se mungesa e vëzhguesve nga organizata të tjera joqeveritare apo nga mediat ishte mangësi e theksuar.

Në zgjedhjet e mbajtura më 2 tetor 2019 morën pjesë 209 votues e rezultatet dolën: 102 vota për Fehim Halitin, 99 vota për Fisnik Kurshumliun dhe 8 vota të pavlefshme.

Procesi zgjedhor kishte disa parregullsi: votimi në grupe të mëdha, votimi jashtë kabinës së votimit, hyrja në kabinë të votimit me telefonë, fotografimi i votës, mosparandalimi i fotografimit të votës nga anëtarët e komisionit edhe përkundër reagimit të vëzhguesit të ADMOVERE-s, pastaj mosposedimi i letërnjoftimeve nga votuesit, e me radhë.

Duke pasur parasysh që në fillim të vitit të ardhshëm do të mbahen zgjedhjet e rregullta për senatorë nëpër të gjitha fakultetet e UP-së, ADMOVERE rekomandon që:

-               të ndryshohen rregulloret aktuale për zgjedhje, duke marrë për bazë ligjet për zgjedhje të mirtatuara nga Kuvendi i Kosovës, në mënyrë që në proceset e ardhshme zgjedhore të sanksionohen parregullsitë e sipërpërmendura, por edhe që të mos ketë përsëritje të panevojshme të proceseve zgjedhore;

-               të publikohen të gjitha rregulloret e miratuara nga të gjitha organet udhëheqëse të UP-së, duke përfshirë edhe rregulloret për zgjedhje;

-               të krijohen komisione zgjedhore me anëtarë që nuk kanë raporte profesionale apo personale me kandidatët dhe votuesit; dhe

-               të vëzhgohen zgjedhjet e ardhshme për senatorë në UP nga OJQ-të dhe nga mediat.

Kalendari

Ngjarjet e datës 13 dhjetor 2019 - Aleanca Kosovare e Bizneseve dhe Ministria e Tregtisë dhe Industrisë organizojnë hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Hotel Emerald, ora 9:30)

- Organizata për Fëmijët pa Kujdes Prindëror organizon konferencë nacionale për të diskutuar për situatën e strehimit familjar në Kosovë, për të arriturat, sfidat dhe planet e ardhshme për të zhvilluar me tutje këtë shërbim për fëmijët pa përkujdesje prindërore. (Hotel Sirius, ora 9:30)

- Komisioni i Pavarur për Miniera dhe Minerale organizon takim vjetor informues për përfaqësuesit dhe personat përgjegjës të ndërmarrjeve që merren me shfrytëzimin dhe përpunimin e lëndëve minerare, përpiluesit e plan-programeve të hulumtimit, përpiluesit e projekteve gjeologjike dhe të shfrytëzimit. (Salla e madhe në ndërtesën e Ministrisë së Administratës Publike, ora 10:00)

- Instituti Columbus organizon tryezë diskutimi me temë "Efekti i korrupsionit tek qytetarët: Diskutimi i fondit për trjatimin e pacientëve jashtë institucioneve publike të Kosovës. (Hotel Sirius, ora 10:00)

- Ministria e Tregtisë dhe Industrisë organizon konferencë informuese për zhvillimin e sektorit privat ku do të behet edhe ndarja e mirënjohjeve për “Ndërmarrjet me të suksesshme të vitit 2019”. (Hotel Emerald, ora 10:00)

- Demokraci Plus në bashkëpunim me Fondacionin Konrad Adenauer organizon konferencën lidhur me Procesin e Berlinit dhe obligimet për Sundim të Ligjit dhe Mirëqeverisjen. (Hotel Swiss Diamond, ora 10:00)

- Kryeministri në detyrë Ramush Haradinaj zhvillon vizitë pune në Ministrinë e Mbrojtjes, për të shënuar  një vjetorin e miratimit të tri Ligjeve, Ligjin për Forcën e Sigurisë, Ligjin për Shërbimin në FSK dhe Ligjin për Ministrinë e Mbrojtjes. (Ministria e Mbrojtjes, ora 11:00)

- Komuna e Istogut organizon diskutim publik me qytetar për projekt rregulloren komunale për taksa, ngarekesa dhe gjoba. (Ndërtesa e Komunës së Istogut, ora 11:00)

- Ekipi i Kombëve të Bashkuara në Kosovë së bashku me Klubin Ndërkombëtarë të Prishtinës  organizon panairin e festave të fundvitit. (Ndërtesa e Termokiss në Dardani, ora 12:00)

- Nxënësit finalistë nga e gjithë Kosova të klasave 3-12 do të konkurrojnë në garën e katërtë vjetore Po-e-Zë. (Amfiteatri i Bibliotekës Kombëtare të Kosovës, ora 12:00)

 - Muzeu Kombëtar i Kosovës organizon hapjen e ekspozitës me fotografi 'Bukuria e betonit' nga autori Etienne Rémond. (Muzeu Kombëtar, ora 12:00)

- Kryeministri në detyrë Haradinaj, në përvjetorin e rënies së dëshmorit dhe heroit Mujë Krasniqi, bën homazhe dhe vendos kurora lulesh te shtatorja e heroit. (Klinë, ora 13:00​)

- Hapet panairi “Punimet artizanale përtej kufijve” i organizuar për nder të festave të fundvitit, në kuadër të projektit ndërkufitar Kosovë - Maqedoni Veriore, “Ndërtimi i konkurrencës përmes bashkëpunimit dhe inovacionit: Qasja në tregjet e eksportit për produktet artizanale’’. (Restorant ‘’Planet’’ në Gjilan, ora 14:00)

- Instituti Kosovar për Hulumtim dhe Zhvillim të Politikave organizon tryezë diskutimi me temë: “Ligjërisht (t’pa) diplomuar?” e cilan mbahet me qëllim të diskutimit rreth problemit të verifikimit të diplomave të studentëve të cilët kanë ndjekur studimet pranë Bartësve Privatë të Arsimit të Lartë. (Hotel Sirius, ora 14:00)

- Projekti Climate 4 Change, i cili mbështetet nga Ambasada Norvegjeze dhe nga Fondacioni Kosovar për Shoqëri Civile organizon një debat politik - publik në të cilën do të diskutotohet për klimën. (Salla e Kuqe në Pallatin e Rinisë dhe Sporteve, ora 17:00)

- Ambasadorja e Francës në Kosovë, Marie-Christine Butel, organizon një pritje e cila si qëllim ka promovimin e djathit të Sharrit. (Rezidenca e Francës në Arbëri, ora 17:30)