05 Tetor 2022

Vlerësohet puna e Komitetit Konsultativ për personat me aftësi të kufizuara

Gjilan, 5 tetor – Nënkryetari i Komunës së Gjilanit, Arbër Ismajli, e ka vlerësuar lartë punën e Komitetetit konsultativ për personat me aftësi të kufizuara.

Këtë vlerësim, Ismajli e ka bërë në tryezën e organizuar nga Forumi Kosova i Aftësisë së Kufizuar me temën “Bashkëpunimi institucional i nivelit lokal me organizatat për personat me aftësi të kufizuar, me fokus të vecantë në të gjitha të arriturat dhe sfidat e Komitetit Konsultativ dhe objektivat e tyre në të ardhmen”.

“Kudo që kam shkuar e kam thënë është që është Komiteti që e vlerësoj më së shumti, i cili e ka një koncept të qartë të punës, duke qenë insistues për realizimin e projekteve në interes të personave me aftësi të kufizuara. Jemi në përfundim të Fshatit të Lumtur, i cili do të përurohet së shpejti. Punët dhe kërkesat e Komitetit që u prezantuan këtu, me të gjitha kapacitetet jemi munduar t’i realizojmë si qeveri komunale, por që ky bashkëpunim do të thellohet në të ardhmen”, ka thënë Ismajli.

“Lutja ime për Shoqatat që merren me personat me aftësi të kufizuara është që të jenë në përkrahje të plotë të Komitetit konsultativ të personave me aftësi të kufizuara, sepse është re vetmja ombrellë për realizimi e kërkesave në shërbim të kësaj kategorie të shoqërisë”, shtoi ai. 

Në takim kanë paraqitur punën dhe angazhimet, Anita Ademi në cilësinë e kryesueses së Komitetit, Fatmir Shurdhani, Bajram Spahiu, Sami Ahmeti, sikuse edhe kryetari i Forumit Kosovar të Aftësisë së Kufizuar, Bujar Kadriu.

 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)