28 Shtator 2020

Turqia premton ta ndihmoj QKU-në në ngritjen profesionale të stafit

Prishtinë, 22 mars - Një delegacion i Universitetit Trakya nga Turqia të cilin e përbënin ekspertë të fushave të ndryshme  të shëndetësisë dhe edukimit, ka vizituar të hënën Qendrën Klinike Universitare të Kosovës (QKUK).

Delegacionin turk e priti drejtori ekzekutiv i QKUK-së, Ali Sadriu me bashkëpunëtorë. Në takim u biseduan mundësitë  e bashkëpunimit dypalësh, me theks të veçantë, u bisedua në lidhje me ndihmën që mund të  japë shtetit turk për  specializimin e kuadrove në  Kardiokirurgji dhe Onkologji.

Drejtori ekzekutiv i QKUK-së, fillimisht njoftoj  zyrtarët turk me punën që po bëhet në QKUK, ndërsa kërkoi ndihmën e tyre  për sa i përket  trajnimit të stafit për Kardiokirurgji dhe Onkologji, shërbime këto që së shpejti pritet të ofrohen  edhe në QKUK.

Zyrtarët  e Universitetit Trakya, shprehen gatishmërinë e tyre për ta ndihmuar QKUK-në, sidomos sa i përket edukimit dhe specializimit të kuadrove. Ata bënë të ditur se deri tani,  50 mjekë nga Kosova kanë qenë për edukim dhe specializim të mëtejmë në Universitetin e Trakyas, ku për së afërmi kanë pasur rastin të shohin se si  punohet në këtë Qendër Klinike Universitare.

Ata premtuan se do ndihmojnë dhe përkrahin zhvillimin e Kardiokirurgjisë dhe Onkologjisë kosovare meqë në këto fusha kanë ekspertë me përvoje të gjatë.  Po ashtu,  premtuan se  do të mundësojnë specializimin dhe ngritjen profesionale të kuadrove në këtë lëmi, duke sigurua edhe fjetjen dhe ushqimin për ata punëtorë që shkojnë për specializim.

Zyrtarët turk, thanë se do shqyrtohet mundësia që edhe ekspertët turk nga këto lëmi të vijnë në Qendrën Klinike Universitare të Kosovës dhe nga afër të ndihmojnë në mjekimin e rasteve dhe në ngritjen profesionale të stafit.
 
Delegacioni nga Turqia  i kërkoj drejtorit ekzekutiv të QKUK-së, që së bashku me bashkëpunëtorë të vizitojnë Universitetin e Trakyas, për të parë nga afër se si zhvillohet a puna atje,  kurse shpenzimet e vizitës do t’i mbulonte Universiteti i Trakyas. 

Delegacioni  turk, i shoqëruar nga drejtori ekzekutiv dhe  bashkëpunëtorët e tij, vizituan hapësirat  e Kardiokirurgjisë që ende janë në punim, e po ashtu edhe Institutin e Onkologjisë.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës ku me pas do të ketë edhe konferencë për media. (Ndërtesa e Qeverisë, ora 8:30)

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

- Valbon Krasniqi, ud. drejtor i përgjithshëm i ShSKUK-së dhe Ministri i Shëndetësisë, Armend Zemaj mbajnë konferencë për medie, në lidhje me rikthimin e shërbimeve shëndetësore, përfshirë punën e ambulancave specialistike, operacioneve jo emergjente dhe shërbimeve tjera elektive. (Para objektit të  administratës së ShSKUK-së ora 10:00)

- Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)

- Fillon java e tretë e programit publik në Festivalin e Arkitekturës në Kosovë. (Drejtperdrejt në faqen facebook-ut të Festivalin e Arkitektures, ora 18:30)