04 Qershor 2020

Tash e pesë ditë, asnjë rast nuk është testuar në Gjilan për Covid-19

Gjilan, 1 prill - Nënkryetari i Komunës së Gjilanit, Arbër Ismajli, së bashku me drejtorin për Shëndetësi, Selami Xhemaili, kanë mbajtur takimin e radhës në Qendrën Rajonale të Shëndetit Publik, ku pos drejtoreshës, Dr. Ajhane Sefiu, ka marrë pjesë edhe drejtori klinik i Spitalit të Përgjithshëm, dr. Ukshin Ismaili, Dr. Burbuqe Berisha nga Klinika Infektive, drejtori i QKMF’së, dr. Fejzulla Berisha dhe komandanti i Stacionit Policor në Gjilan, major Agim Lipovica.

Nga ky takim u konfirmua se tash e pesë ditë, asnjë rast nuk është testuar në Gjilan me Covid-19, derisa u tha se familjeve të prekura është stabile.

“Këto rezultate të menaxhimit të mirë të situatës janë arritur nga bashkëpunimi shumë i mirë i Komitetit të themeluar nga kryetari Haziri, në të cilin janë të përfshirë të gjitha institucionet komunale dhe regjionale. Hallka e bashkëpunimit është jashtëzakonisht funksionale. Jam shumë i lumtur që kemi arritur në këtë nivel”, ka deklaruar nënkryetari i Gjilanit, Arbër Ismajli.

Por, ai ka apeluar të gjithë qytetarët që të vazhdojnë të qëndrojnë në shtëpitë e tyre, sikur deri tani, sepse është e vetmja mënyrë e parandalimit të përhapjes së virusit corona. 

Kalendari

Ngjarjet e datës 4 Qershor 2020

- Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)
   
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
   
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)