Prishtinë, 14 nëntor - Federata e Sindikatave të Shëndetësisë së Kosovës (FSSHK), sot do të mbajë një protestë të përgjithshme paralajmëruese para hapësirave të institucioneve shëndetësore.

Qëllimi i kësaj protestë është tërheqja e vëmendjes së të gjithë faktorëve relevant që ligji për shëndetësi të mos kalojë pa ligjin për sigurime shëndetësore.

Kryetari i Federatës së Sindikatave të Shëndetësisë, Blerim Syla, ka thënë se ky ligj nuk duhet të kalojë pasi që sipas tij, është në dëm të qytetarëve të Republikës së Kosovës, të punëtorëve shëndetësorë, por edhe të tërë sistemit shëndetësor.