12 Prill 2021

Shkencëtarët izraelitë kanë shpikur vaksinë për luftimin e kancerit

Telaviv, 10 prill - Shkencëtarët izraelitë kanë përpunuar një vaksinë për luftimin e kancerit. Ajo ndihmon sistemin imunitar të njeriut të njohë dhe të shkatërrojë qelizat kancerogjene.

Vaksina iu injektua 10 vullnetarëve, nga të cilët 3 u shëruan, të tjerëve iu forcua imuniteti ndaj sëmundjes.

Sipas studiuesve, preparati \"mëson\" organizmin të reagojë ndaj një proteine të veçantë, që është e pranishme në sasi të mëdha në sipërfaqen e qelizave kancerogjene: këtë përbërës e kanë 90% e tumoreve malinje.

Hulumtuesit besojnë se krijimi i një \"mësuesi\" të tillë është një arritje e madhe, sepse më parë trupi i njeriut nuk ishte në gjendje të dallonte rrezikun që vinte nga qelizat kancerogjene.

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)