23 Janar 2019

Shëndetësia primare e Gjilanit shënon Ditën Ndërkombëtare të Infermierisë

Gjilan, 11 maj - Në kuadër të shënimit të Ditës Ndërkombëtare të Infermierisë, Komuna e Gjilanit, respektivisht shëndetësia primare në Gjilan, me aktivitete të ndryshme simbolike brenda qendrave të mjekëseisë familjare por edhe në sheshin kryesor të Gjilanit, kanë ofruar shërbime për qytetarë të rastit, informim dhe udhëzime për sëmundje të ndryshme shëndetësore.

Drejtori i Shëndetësisë Selami Xhemajli ka potencuar rolin e rëndësishëm që kanë mantelbardhët në Gjilan, e veçanërisht infermierët të cilët gjatë gjithë kohës janë në shërbim të qytetarëve krahas stafit tjetër.

Ai potencoi angazhimin e Komunës së Gjilanit, e cila është duke punuar vazhdimisht për ndërtimin e kushteve më të mira për personelin shëndetësor, por edhe për kushte me të mira dhe shërbime më kualitative për pacientës që marrin shërbimet shëndetësore.

Ndërsa, drejtori i QKMF-së, Fejzulla Berisha, tha se “aktiviteti i sotëm ishte simbolika e punës së infermierëve në detyrën, që çdo ditë e bëjnë. Kemi aktivitetin e njejtë që është shënuar në të gjitha qendrat e shëndetësisë primare por edhe në qytet. Shëndeti i qytetarit dhe shërbimi i shpejtë për ta është një prioritet i punës pavarësisht se ku gjendet pacienti, në shtëpi apo në institucionin shëndetësor. Infermierët janë hallkë e fuqishme e shëndetësisë së Kosovës”, kanë thënë ndër të tjerash Berisha.

Për ndryshe, në sheshin kryesor para Teatrit të Qytetit infermierët nën mbështetjen e stafit të drejtorisë dhe zyrtarëve të ndryshëm, kanë bërë shpërndarjen e fletpalosjeve që janë me karakter të shëndetit më të mirë, preventivës por edhe trajtimit të problemeve të ndryshme shëndetësore.

Njëkohësisht për të gjithë të interesuarit është bërë matje e tensionit të gjakut dhe matjen e sheqerit në gjakë.
 

Kalendari

Ngjarjet e datës 24 janar 2019 - Projekti i financuar nga Bashkimi Evropian “Mbështetje Kodit Civil – faza 2”, i cili po mbështetë Ministrinë e Drejtësisë organizon ngjarjen “Rruga drejt një Kodi Civil modern të Kosovës,”. (Amfiteatri i Madh në ndërtesën e re të Qeverisë, ora 9:30)

- Shefja e Zyrës së BE-së në Kosovë, Nataliya Apostolova do të marrë pjesë në ceremoninë e dorëzimit të Kodit të ri Civil për Kosovën në Ministrinë e Drejtësisë. (Amfiteatri i Madh në ndërtesën e re të Qeverisë, ora 10:00)

- Ministria e Mbrojtjes dhe Ushtria e Kosovës organizojnë aksionin humanitar për dhurimin vullnetar të gjakut për nevojat e Qendrës Kombëtare të Kosovës për Transfuzion të Gjakut. (Komanda e  Forcave Tokësore të FSK-së, kazerma “Adem Jashari” në Prishtinë, ora 10:00)

- Ministri i Infrastrukturës dhe Transportit, Pal Lekaj pret në takim kryetarin e komunës së Prishtinës, Shpend Ahmeti, me të cilin do të nënshkruaj marrëveshje bashkëpunimi. (Kabineti i ministrit te Infrastrukturës dhe Transportit, ora 10:00)

- Lëvizja Vetëvendosje! shënon 100 vjetorin e vdekjes së Ismail Qemalit me homazhe tek shtatorja në Prishtinë. (Prishtinë, ora 10:30)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesën e Rektorëve të Universiteteve Publike rreth programeve të pa akredituara. (Ndërtesa e Kuvendit, salla N 303, ora 11:00)

- Me rastin e 90 vjetorit të lindjes së regjisores së mirënjohur të kinemasë shqiptare Xhanfise Keko, nën patronatin e Ministrisë së Kulturës dhe Ambasadës së Shqipërisë, do të shfaqet premierë filmi dokumentar "Koha e pelikulës" i regjisorit Mevlan Shanaj, dedikuar artistes që ia kushtoi krijimtarinë, botës së madhe të fëmijëve të vegjël. (Kino ABC, ora 11:00)
 
- Kryeministri Ramush Haradinaj vizitë pune në ndërmarrjen “Fox Marble”. (Fshati Poturovc në Lipjan, ora 12:30)

- Komisioni për Punë të Jashtme, Diasporë dhe Investime Strategjike, do të mbajë mbledhjen e radhës, në të cilën do te shqyrtohet draft-Planit të punës së Komisionit për vitin 2019. (Ndërtesa e Kuvendit, salla N-302, ora 13:00)

- Mbahet takimi i përbashkët i Këshillit Gjyqësor të Kosovës dhe Këshillit Prokurorial të Kosovës. (Objekti i Sekretariatit të Këshillit Gjyqësor të Kosovës, Rr. “Luan Haradinaj”, ora 14:30)