18 Nëntor 2019

Rikthehet epidemia e fruthit në mbarë botën

Gjenevë, 24 prill - Kjo është Java Botërore e Imunizimit dhe sot do të përqendrohemi tek një sëmundje që mund të çrrënjoset, sikurse lija e dhenve, apo siç ndodh me poliomelitin, në sajë të disa programeve ndërkombëtare.

Por siç njofton Zëri i Amerikës në vend që të zhdukjet, sëmundja vdekjeprurëse e fruthit kohët e fundit po njeh një rikthim.

Fruthi është një sëmundje që prek vetëm njerëzit, kështu që mund të fshihet tërësisht nga faqja e dheut ashtu sikurse lija.

Por, pavarësisht se ekziston një vaksinë shumë e efektshme dhe e sigurtë, kohët e fundit ka patur një rikthim të fruthit.

Organizata Botërore e Shëndetësisë njofton se vetëm në tre muajt e parë të këtij viti, rastet e fruthit janë trefishuar krahasuar me vitin e kaluar.

Në Afrikë, situata është edhe më e rëndë Afrika pati një rritje prej 700 për qind në krahasim me vitin e kaluar.

"Në Madagaskar ka patur pothuajse 1,000 vdekje dhe dhjetëra mijëra persona të infektuar" – thotë Dr. Anthony Fauci, i Institutit Kombëtar të Shëndetit.

Në Brooklyn të New York-ut, shpërthimi i fruthit në mesin e hebrenjve hasidikë e detyroi Kryetarin e Bashkisë të deklaronte gjendjen e jashtëzakonshme.

Instituti Kombëtar i Shëndetit paralajmëron se rënia e numrit të vaksinimeve për fruthin është duke shkaktuar një ringjallje globale të kësaj sëmundjeje shpesh vdekjeprurëse, përfshirë edhe SHBA, e cila është e parandalueshme.

Para se vaksina të bëhej e disponueshme në vitet 1960, në mbarë botën patën vdekur nga fruthi rreth dy milionë njerëz. Në Shtetet e Bashkuara, çdo vit infektoheshin nga fruthi tre deri në katër milionë njerëz.

"Një në dhjetë fëmijë që preken nga fruthi pësojnë infeksion të veshëve, që mund t’u shkaktojnë shurdhim. Një në njëzet vetë kalojnë pneumoni, një në një mijë vete pësojnë ënjtje të trurit, apo encefalit; një deri në tre për një mijë vetë që preken nga kjo sëmundje vdesin.Pra, të thuash se fruthi është një sëmundje e parëndësishme, nuk është aspak e saktë ", - thotë Dr. Fauci.

Komplikimet e sëmundjes janë edhe më të rënda në vendet e varfëra.

"Duke filluar me fëmijët, të cilët janë më të rrezikuarit; ata mund të jenë të kequshqyer, mund të kenë sistemin imunitar me probleme; mund të jenë nën peshë dhe mund të mos kenë qasje tek kujdesi shëndetësor, kështu që fruthi është një vrasës i madh" – thotë Dr. Walter Orenstein, i Qendrës së Vaksinave në Universitetin Emory.

Njerëzit kanë 90 për qind shanse të preken nga fruthi nëse nuk janë të vaksinuar dhe bien në kontakt me një person të infektuar.

"Është një sëmundje shumë infektive, që i prek të gjithë ata që nuk janë të mbrojtur”, thotë Dr. Rebecca Martin, e qendrës CDC.

Zgjidhja është që ata të marrin dy doza të vaksinës së fruthit. Kjo do të thotë që prindërit duhen edukuar lidhur me sëmundjen dhe rëndësinë e vaksinës.

Po aq e rëndësishme është që vaksinimi të jetë një përparësi e sistemeve shëndetësore në mbarë botën.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)