03 Qershor 2020

QKUK dhuron pako me produkte për nënat që lindin në Gjinekologji

Prishtinë, 14 qershor - Qendra Klinike Universitare e Kosovës dhe Base Agency, kanë nënshkruar marrëveshje të bashkëpunimit, përmes së cilës do të bëhet dhurimi i një pako për secilën nga nënat që lindin fëmijët e tyre në Klinikën e Gjinekologjisë.

Me rastin e nënshkrimit të kësaj marrëveshje, drejtori i përgjithshëm i SHSKUK-së, dr. Basri Sejdiu, ka falënderuar Base Agency që kanë zgjedhur Klinikën e Gjinekologjisë për të  ndihmuar  nënat dhe foshnjat e porsalindura.

Në anën tjetër, Alban Shabani nga Base Agency tha se falë donatorëve kanë krijuar një pako, e cila do të përmbajë produkte që do t’i dhurohen falas nënave që lindin në Qendrën Klinike Universitare të Kosovës, afërsisht 10,000 pako përgjatë një viti.

Dhurimi i pakove për nënat që lindin në Klinikën Obstetrike Gjinekologjike, do të fillojë brenda pak ditësh.

Kalendari

Ngjarjet e datës 3 Qershor 2020

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë ku raporton Drejtorit te AKI-së Kreshnik Gashi lidhur me gjendjen e sigurisë gjate periudhës se pandemisë dhe situatën aktuale. (Kuvendi i Kosovës, salla N10, ora 10:00) 

- Mbahet mbledhja e Qeverisë së Republikës së Kosovës. (Ndërtesa e qeverisë, ora 10:00)

- Kuvendi i Kosovës mban seancë për votimin  për votimin e Qeverisë. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të vendos vazo dekorative gjelberuese në sheshin Bill Klinton. (Shshi Bill Klinton, ora 11:00)
  
- Komiteti Olimpik i Kosovës nënshkruan kontratën për Bursën Olimpike Tokyo 2020 me mundësin, Egzon Shala. (Zyret e KOK-ut në Shtëpinë e Sportit, 13:00)