04 Mars 2021

QKUK, 200 raste të lajmëruara nga temperaturat e larta

Prishtinë, 25 gusht - Temperaturat e larta dhe mosrespektimi i këshillave të mjekëve kanë shtuar ditëve të fundit numrin e rasteve në qendrën emergjente. Drejtori i kësaj Qendre, Basri Lenjani, thotë se brenda 24 orëve regjistrohen deri në 220 raste.
 
“Javën e kaluar numri ka arrit në 160-170, ndërsa në ndërrimin e kaluar janë shënuar 120 raste që për 24 orë i bie të kemi deri në 280 raste. Por, që disa raste edhe nuk regjistrohen fare me vetë dëshirë marrin shërbime dhe largohen nga qendra jonë”, thotë Lenjani.

Nga ky numër, jo të gjithë kërkojnë ndihmë nga vapa, por që gjithsesi temperaturat kanë shtuar numrin e pacientëve për 20 %, tha Lenjani. Më të prekurit nga temperaturat e larta janë fëmijët dhe të moshuarit apo të sëmurët kronik. Simptomat e tyre shfaqen rreth 6 orë më pas, derisa shënohen edhe raste si pasojë e rrezitjes së tepruar thotë Lenjani. Ai rekomandon që ndihma e parë mjekësore të ipet në vendin e ngjarjes.

Ndërkohë, mjekët emergjentë u bëjnë thirrje në veçanti kategorive që vuajnë nga sëmundje të tjera shoqëruese, ato kronike, kardiake, diabet , hiper-tension që të bëjnë kujdes në përzgjedhjen e ushqimeve, të konsumojnë sa më shumë lëngje e në veçanti të mos dalin në orët kur temperaturat janë shumë të larta.

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)