19 Janar 2020

QKMF “Dr. Nexhat Çuni” në Mitrovicë furnizohet me vaksina kundër gripit sezonal

Mitrovicë, 9 dhjetor - Qendra Kryesore e Mjekësisë Familjare “Dr. Nexhat Çuni” është furnizuar nga Instituti Kombëtar i Shëndetit Publik, me një kontingjent të vaksinave kundër gripit sezonal në sasi prej 4 mijë dozave.

Drejtoresha e Shëndetësisë, Erseka Hasanaj Barani, bënë të ditur se këto vaksina janë pa pagesë dhe do të vaksinohen të gjithë personat e moshuar dhe ata që kanë probleme shëndetësore.

“Vaksinat janë katërshtamshe që do të thotë se mund të mbron katër lloje të virusit të gripit A, dhe vaksinat do të jepen në hapësirat e QKMF-së, por një sasi e tyre do të shpërndahet edhe në QMF-të në mënyrë që vaksinimi të kryhet edhe më afër qytetarëve”, tha ndër të tjerash drejtoresha Hasanaj Barani.

Kalendari

Ngjarjet e datës 18 janar 2020 - Federata e Futbollit e Kosovës do të fillojë projektit zhvillimor “Elite Youth Development Programme U15”, i cili do të realizohet në të gjitha regjionet. (Fusha e mbuluar “Prince” në lagjen Arbëri në Prishtinë, ora 9:00)

- Kryeministri në detyrë, Ramush Haradinaj merr pjesë në Akademinë Solemne “Faleminderit Shqipëri”. (Qendra “BogdaniPolis”, Katedralja “Shën Nënë Tereza”, ora 10:00)

- Presidenti i Republikës së Kosovës, Hashim Thaçi, do të marrë pjesë në Akademinë Solemne “Faleminderit Shqipëri”.  (Qendra “Bogdanpolis” në Prishtinë, ora 10:00)

- Teatri i Qytetit të Prishtinës 'Dodona' shfaq premierën për fëmijë “Fjalët magjike” nga Alba Loxha e në regji të Shkurtë Aliut e cila trajton nevojën e përdorimit të fjalëve magjike: “më fal”, “të lutem”, “faleminderit” etj., nga fëmijët. (Teatri Dodona, ora 12:00)