13 Nëntor 2019

Pjesëtarët e FSK-së dhurojnë gjak në Ditën Botërore të Dhurimit të Gjakut

Prishtinë, 14 qershor - Sot në sheshin “Nënë Tereza” në Prishtinë u  shënua  14 Qershori,  Dita Botërore e Dhurimit të Gjakut.

Aktivitetit të dhurimit  të gjakut iu bashkuan edhe 60 pjesëtarë të Forcës së Sigurisë të Kosovës (FSK), duke dëshmuar edhe një herë së pjesëtarët e  FSK-së janë ndër dhuruesit më të rregullt  të gjakut.

Me këtë rast, shefi i Departamentit të Planifikimeve, kolonel Sefer Isufi,  para mediave dhe të pranishmeve, duke u bazuar në misionin dhe detyrat e  institucionit të FSK-së, shprehi gatishmërinë e pjesëtarëve të FSK-së në mbështetje të qytetarëve të vendit: ,,Pjesëtarët e FSK-së  janë të përkushtuar në ofrimin e mundësive të tyre fizike dhe profesionale, në përmbushjen e misionit të tyre të shenjtë në mbështetje të qytetarëve.

Edhe ky aksion, të cilit sot  i jemi bashkuar rreth  60 pjesëtarë, është në vazhdën e mbështetjes së institucioneve tona dhe qytetarëve të vendit ”.

Ndërsa, drejtoresha e  QKKTGJ-së Dr. Bukurije Zhubi vlerësoi lart interesimin  e shumë qytetarëve dhe sidomos të pjesëtarëve të dy institucioneve të sigurisë, FSK-së dhe Policisë së Kosovës, të cilët çdoherë u janë përgjigjur pa hezitim kërkesave për dhurimin  e gjakut.

“Jemi mbledhur këtu për të shënuar këtë ditë me një manifestim kaq të madh, të cilin e madhështon edhe më shumë prania e pjesëtarëve të Forcës së Sigurisë të Kosovës dhe Policisë së Kosovës, që gjithherë është kënaqësi t’i kemi në mesin tonë”, shprehet drejtoresha e QKKTGJ-së.

Forca e Sigurisë së Kosovës në bashkëpunim me Kompaninë e Mjekësisë dhe  Qendrën Kombëtare të Kosovës për Transfuzionin e Gjakut ( QKKTGJ ), dy herë në vit organizon aktivitetin humanitar të dhurimit të gjakut, ku me vullnetin e mirë dhe gatishmërinë që tregojnë pjesëtarët e FSK-së arrijnë që të grumbullojë mbi 1000 ( njëmijë)  doza gjak, të cilat i dhurohen Qendrës Kombëtare të Transfuzionit të Gjakut për nevojat e pacientëve në spitalet tona.

Dita Botërorë e Dhurimit të Gjakut shënohet çdo vit në Kosovë. Këtë vit, zyrtarët e Ministrisë së Shëndetësisë e kanë organizuar këtë aktivitet, me qëllim të vetëdijesimit dhe sensibilizimit të popullatës  për të dhuruar gjak dhe për të shpëtuar jetët e të gjithë atyre që kanë nevojë.

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)