14 Gusht 2020

Numri i të vdekurve nga koronavirusi në Spanjë ka arritur në 4.089

Madrid, 26 mars - Sipas të dhënave të Ministrisë së Shëndetësisë në Spanjë, numri i përgjithshëm i personave që kanë humbur jetën nga COVID-19 ka arritur në 4.089, ndërsa janë konfirmuar gjithsej 56.188 raste.

Që nga dita e djeshme, numri i të vdekurve është rritur për 655 ndërsa numri i rasteve të konfiruara është rritur për 8.578.

Me 738 vdekje të regjistruara dje, Spanja tejkaloi Kinën për numrin e vdekjeve nërsa regjistroi numër më të madh se Italia të vdekjeve në një ditë.

Gjithsej 7.015 pacientë me COVID-19 në Spanjë janë shëruar ndërsa mbi 3.600 aktualisht janë në repartet e kujdesit intensiv.

Madridi ka qenë zona më e goditur deri më tani, me mbi 2.000 vdekje dhe 17.000 raste. Në rajon janë stërmbushur spitalet dhe shërbimet e varrimit. Si kundërpërgjigje, kryeqyteti i Spanjës ka ngritur me shpejtësi një spital të improvizuar, tani më i madhi në Spanjë, në një qendër kongresesh dhe ka filluar të përdorë një shesh patinazhi si një morg.

Rajoni i Katalonjës ka qenë gjithashtu i goditur nga një rritje shqetësuese e vdekjeve dhe rasteve, duke regjistruar 672 vdekje dhe mbi 11.500 raste të konfirmuara.

Në Spanjë, tre anëtarë të koalicionit qeverisës tanimë kanë rezultuar pozitiv në testet e koronavirusit, ashtu si edhe zonja e parë e vendit.

Mungesa të pajisjeve janë regjistruar në masë të madhe në Spanjë. Dje, qeveria njoftoi se kishte bërë një marrëveshje prej 432 milionë euro me Kinën për të sjellë më shumë pajisje të mbrojtjes, teste dhe ventilatorë. Më herët gjatë javës, Spanja i dërgoi një kërkesë urgjente NATO-s duke kërkuar më shumë pajisje mjekësore.

Lloji i ri i koronavirusit, i cili për herë të parë shpërtheu dhjetorin e kaluar në qytetin kinez Wuhan është përhapur në më shumë se 170 vende dhe territore.

Organizata Botërore e Shëndetetësisë shpërthimin e koronavirusit e ka shpallur pandemi.

Më shumë se 472 mijë njerëz janë infektuar nga lloji i ri i koronavirusit në botë ndërsa 21.300 kanë vdekur si rezultat i infeksionit. Më shumë se 114.800 janë shëruar, njofton Universiteti amerikan "Johns Hopkins".

Megjithë, numrin në rritje të njerëzve të infektuar, shumica e të prekurve nga virusi tregojnë simptoma të lehta dhe shërohen.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni. 

Kalendari

Ngjarjet e datës 14 Gusht 2020

 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin me amendamente në Projektligjin nr.07/L-006 për parandalimin dhe luftimin e pandemisë COVID-19 në territorin e Republikës së Kosovës. (Ndërtesa e Kuvendit, salla N303, ora 9:00)

- Ministri i Shëndetësisë, Armend Zemaj, raporton në Komisionin për Shëndetësi dhe Mirëqenie Sociale lidhur me menaxhimin e situatës me Covid-19. (Ndërtesa e Kuvendit, salla N10, ora 9:00)  
    
- Kuvendi i Kosovës mban seancën e radhës ku në rend dite është shqyrtimi i dytë i Projektligjit për parandalimin dhe luftimin e Pandemisë COVID-19 në territorin e Republikës së Kosovës: shqyrtimi i parë i Projektligjit për Rimëkëmbjen Ekonomike etj. (Salla e seancave plenare, ora 10:00)   

- Organizata ETEA dhe Biblioteka “Hivzi Sulejmani” bëjnë publikimin e raportit hulumtues “Efekti i të lexuarit në mirëqenien psikologjike dhe inteligjencën emocionale të fëmijëve të Kosovës”. (Biblioteka “Hivzi Sulejmani”, ora 10:00)    

- Ministri i Punëve të Brendshme, Agim Veliu, viziton komunën e Pejës ku do të pritet nga kryetari i kësaj komune, Gazmend Muhaxheri. (Ndërtesa e Komunës, Pejë, ora 10:00)    

- Kryetari i komunës së Mitrovicës, Agim Bahtiri, së bashku me zhongluesin e mirënjohur nga Vitia, Agim Agushin, do të mbajnë konferencë për media. (Objekti i Komunës, Mitrovicë, ora 11:00)

- Kryetari i Komunës së Gjilanit, Lutfi Haziri, ‘ka diçka me thanë’. (Zyra e kryetarit te Gjilanit, ora 12:00)

 

- Organizata e Veteranëve të Luftës së UÇK-së do t'i bëjë dorëzimin e kërkesës për ndryshimin e ligjit për dhomat e specializuara të Gjykatës Speciale me seli në Hagë. (Kuvendi i Kosovës, ora 15:00)