Prishtinë, 16 janar - Numri i të prekurve nga koronavirusi në mbarë botën ka arritur në mbi 94 milionë e 400 mijë persona te infektuar.

Sipas faqes së internetit "Worldometer", e cila përpilon të dhënat në lidhje me pandeminë, deri më tani në mbarë botën janë regjistruar 94.390.000 raste me COVID-19, i cili për herë të parë u shfaq në Wuhan të Kinës dhe më pas u përhap në gjithë botën.

Gjithashtu sipas "Worldometer" deri tani në mbarë botën kanë humbur jetën 2.017.913 persona dhe se 67.346.640 të infektuar me virusin janë shëruar.

Numri më i madh i të infektuarve është regjistruar në SHBA, me gjithsej 24.102.429 raste deri më tani, ku dhe 401.856 të tjerë kanë humbur jetën.

Pas SHBA-së, vendet që kanë tejkaluar 1 milion raste të infektimeve janë si më poshtë:

India me 10.543.659 raste, Brazili 8.394.253, Rusia 3.520.531, Britania e Madhe 3.316.019, Franca 2.872.941, Turqia 2.373.115, Italia 2.352.423, Spanja 2.252.164, Gjermania 2.023.802, Kolumbia 1.870.179, Argjentina 1.783.047, Meksika 1.609.735, Polonia 1.422.320, Irani 1.318.295, Afrika e Jugut 1.311.686, Ukraina 1.146.963 dhe Peruja me 1.056.023 raste.

Ndërsa krahas SHBA-së vendet që kanë tejkaluar 10 mijë vdekje janë si më poshtë:

"Brazili (208.291), India (152.130), Meksika (139.22), Britania (87.295), Italia (81.325), Franca (69.949), Rusia (64.495), Irani (56.621), Spanja (53.314), Kolumbia (47.868), Gjermania (46.537), Argjentina (45.227), Peruja (38.654), Afrika e Jugut (36.467), Polonia (32.844), Indonezia (25.484), Turqia (23.664), Ukraina (20.542), Belgjika (20.352), Kanadaja (17.729), Kili (17.369), Rumania (17.98), Ekuadori (14.273), Çekia (14.29), Iraku (12.932), Holanda (12.868), Hungaria (11.177) dhe Pakistani (10.908)".