19 Gusht 2019

Numri i lindjeve në Shtetet e Bashkuara bie në nivelin më të ulët

Washington, 16 maj - Vitin e kaluar numri i lindjeve në Shtetet e Bashkuara ra në nivelin më të ulët të më shumë se tre dekada, sipas një raporti të një agjencie federale të publikuar dje.

Të dhënat e Qendrës për Kontrollin dhe Parandalimin e Sëmundjeve tregojnë se në 2018-n kanë lindur 3.79 milionë foshnje, një rënie prej dy për qind nga viti i kaluar si dhe numri më i ulët që nga viti 1986. Ky është katërt vit me radhë që lindjet në Shtetet e Bashkuara pësojnë rënie.

Shkalla e fertilitetit gjithashtu shënoi rënie me dy për qind, një shifër e ulët rekord. Kjo tregon se brezat aktualë të grave ndërmjet moshës 15 në 44 vjeç nuk po lindin mjaftueshëm foshnje.

Lindjet në mesin e adoleshentëve kanë rënë me tetë për qind, por shkalla e lindjeve në mesin e grave në fund të të ’30-ve dhe në fillim të të ’40-ve është pak më e lartë, të vetmet grupe që kanë përjetuar rritje.

Niveli i ulët i lindjeve është i pazakonshtë në kushtet e një ekonomie të fuqishme dhe mbetet e paqartë nëse gratë amerikane po vonojnë amësinë apo po e shmangin krejtësisht atë.

Shumë studiues parashikojnë mungesë të krahut të punës në vitet e ardhshme, nëse kjo tendencë vazhdon.

Kalendari

Ngjarjet e datës 19 gusht 2019 - Mbahet mbledhja e Komiteti për Politik dhe Financa e Komunës së Rahovecit. (Komuna e Rahovecit, ora 10:00)

- Shoqata "Miqtë e Amerikës" festojnë ditëlindjen e mikut të madh të shqiptarve e mbar njerëzimit ish Presidentit të SHBA, Billi Clinton . (Zyret e shoqatës "Miqtë e Amerikës", që gjendet afë Agjencisë së Statistikave të Kosovës përball Parlamentit, ora 11:00)

- Mbahet ceremonia solemne e hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Biblioteka Universitare, ora 11:00)

- Kryeministri në detyrë, Ramush Haradinaj, merr pjesë në ceremoninë solemne të hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Salla e kuqe, Fakulteti i Filologjisë, ora 11:00)

- Komuna e Prizrenit dhe Ministria e Kulturës, Rinisë dhe Sportit bëjn përurimin e Stadiumit Ndihmës në lokacionin Boka Boka. (Fshati Korishë në Prizren, ora 11:00)

- Bëhet shfaqja për media e filmit "Shpia e Agës" i Lendita Zeqirit (Kinema Cineplexx, ora 13:00)

-  Komuna e Prizrenit në kuadër të hartimit të buxhetit për vitin 2020 do të organizojë dëgjime publike me banorët e rajonit të Hasit dhe Anadrinit, me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Gjonaj, ora 19:00)