15 Prill 2021

MSH dhe QKUK nisin bashkëpunimin me Gjermaninë

Prishtinë, 4 janar - Ministria e Shëndetësisë dhe Qendra Klinikë Universitare e Kosovës kanë nënshkruar sot me Kerckhoff Klinik nga Republika Federale e Gjermanisë Letrën e qëllimit të bashkëpunimit, si një mundësi e mirë për thellimin e bashkëpunimit ndërmjet dy shteteve në fushën e shëndetësisë.

Këtë Letër të qëllimit, e cila do të pasohet me një Marrëveshje të bashkëpunimit e nënshkruan sot Ministri i Shëndetësisë Dr. Ferid Agani, drejtori Ekzekutiv i QKUK-së Dr. Nijazi Gashi dhe Dr. Safet Beqiri, kryeshef i Kirurgjisë Torakale –Onkologjinë në Kerckhoff Klinik të Landit të Hessenit në Republikën Federale të Gjermanisë.

Përmes këtij bashkëpunimi të filluar do të bëhet avancimi i kapaciteteve profesionale dhe shkencore midis QKUK-së dhe Kerckhoff Klinik në interes të pacientëve.

Detajet e bashkëpunimit që lidhen me fushën e kardiokirurgjisë, kardiologjisë invazive, sëmundjet e mushkërive, kirurgjinë torakale, onkologjinë, reumatologjinë, etj., do të specifikohen në Marrëveshjen e bashkëpunimit, dhe ato kanë për qëllim avancimin e kapaciteteve profesionale për specialistët kosovarë, sub-specialistët dhe nivelin e infermierisë përmes programeve të përbashkëta të organizuara midis QKUK-së dhe Kerckhoff Klinik.

Ministri Agani, drejtori i QKUK-së, Gashi dhe kryeshefi i Kirurgjisë Torakale –Onkologjike në Kerckhoff Klinik, Beqiri, e cilësuan këtë bashkëpunim si një fillim të mbarë që do të mundësojë avancimin e disa shërbimeve në Kosovë, nga të cilët do të përfitojnë pacientët kosovarë.

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)