04 Mars 2021

MPMS përkujdeset për kategoritë e ndjeshme të shoqërisë

Prishtinë, 11 gusht - Zv/ministri i Ministrisë së Punës dhe Mirëqenies Sociale, z. Fatmir Shurdhaj, i shoqëruar nga bashkëpunëtorë të tij, vizitoi Shtëpinë për përkujdesje të personave të moshuar në Gurrakoc të Istogut, me ç’rast është njoftuar për së afërmi me shërbimet që u ofrohen klientëve që janë të vendosur në këtë shtëpi.

Zv/ministri Shurdhaj ka premtuar përkrahje dhe mbështetje të vazhdueshme për këto kategori dhe se MPMS gjithnjë do të angazhohet në gjetjen e mundësive për përmirësimin e kushteve për personat e moshuar të cilët nuk kanë përkujdesje familjare.

Të njëjtën ditë zv/ministri Shurdhaj ka vizituar edhe Qendrën për Punësim në Istog. Në këtë qendër të punësimit kushtet e punës janë  të vështira dhe si pasojë e kësaj gjendje duhet të shikohet mundësia e renovimit të këtij objekti. Zv/ministri Shurdhaj ka thënë se këto ditë do të përzgjidhet kompania që do të rinovoj këtë qendër të punësimit në Istog.

“Këto ditë do të përzgjidhet kompania që do të rinovoj objektin në Istog, pasi objekti në Gurrakoc është në largësi prej 8 km nga qyteti dhe është i papërshtatshëm edhe për qytetarët e kësaj komune”, shtoi z. Shurdhaj.

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)