28 Shtator 2020

Ministria e Shëndetësisë prezantoi rishikimin funksional të saj

Prishtinë, 19 mars - Ministri Gashi ka shpjeguar se drejtimet kryesore të Planit Zhvillimor Strategjik përfshijnë ndryshimin e fokusit kryesor të Ministrisë nga administrimi dhe menaxhimi i drejtpërdrejt i shërbimeve shëndetësore drejt një Ministrie të fokusuar në politikë-bërje të cilësisë së lartë, planifikim , rregullim, monitorim dhe rishikim

Ministri i Shëndetësisë i Republikës së Kosovës, Alush Gashi, ka prezantuar sot në takimin e Komisionit Ndërministror për Reformën e Administratës Publike drejtimet e rishikimit funksional të Ministrisë së Shëndetësisë.

Ministri Gashi, duke theksuar se që nga përfundimi i drejtimeve të rishikimit funksional të përfunduara në qershor 2009, është avancuar reforma substanciale në legjislacion, farmaci dhe menaxhim të parasë publike, që është vlerësuar edhe në raportin vjetor të Auditorit Gjeneral, ka bërë të ditur se aktualisht është duke u përgatitur Plani Zhvillimor Strategjik institucional për të zbatuar rekomandimet kryesore rreth rishikimit funksional të Ministrisë së Shëndetësisë.

Ministri ka shpjeguar se drejtimet kryesore të Planit Zhvillimor Strategjik përfshijnë ndryshimin e fokusit kryesor të Ministrisë nga administrimi dhe menaxhimi i drejtpërdrejt i shërbimeve shëndetësore drejt një Ministrie të fokusuar në politikë-bërje të cilësisë së lartë, planifikim , rregullim, monitorim dhe rishikim.

Kjo do të përfshijë  zvogëlimin e numrit të madh të funksioneve për shërbime të përbashkëta që i raportojnë Sekretarit të Përhershëm dhe për të rritur profilin e shërbimeve shëndetësore nëpërmjet ndarjes së Departamentit të madh për shërbime shëndetësore në dy departamente; njëri departament do të merret me shërbimet dytësore dhe tretësore, përfshirë shëndetin mendor dhe departamenti tjetër me shërbimet e shëndetit publik dhe parësor.

Gjithashtu, rishikimi funksional i MSh-së do të përforcojë rolin e  Departamentit të Menaxhimit Strategjik në koordinimin e politikave të  gjera ministrore, proceseve të planifikimit dhe rishikimit, derisa financimi dhe kontraktimi i punëve do të përshpejtohet nëpërmjet themelimit të një Departamenti për Financim dhe Kontraktim.

Me strukturën e re, Spitalet do t’u jepen në menaxhim komunave, sipas planit të decentralizimit të shërbimeve, ndërsa puna e tyre do të mbikëqyret nga Bordi Profesional disa anëtarësh, i cili do të caktohet nga ministri i shëndetësisë.

Gjithashtu, ministri Gashi ka paralajmëruar edhe riorganizimin e divizioneve në mënyrë që të inkurajohen më shumë aranzhime funksionale, duke zvogëluar numrin e  njësive dhe zyrave të specializuara, si dhe duke i dhënë stafit disa role gjenerike për të shfrytëzuar më mirë shkathtësitë dhe përvojën e tyre përgjatë një sërë detyrash e po ashtu edhe rritjen e funksioneve të inspektimit të sektorit shëndetësor do të përforcohen.

Ministri Gashi ka theksuar se ndryshimi i strukturës së MSh-së për t’u fokusuar më fuqimisht në politikë-bërje, planifikim dhe performancë,  është vetëm faza e parë e punës, ndërsa sistemet, proceset dhe stimujt lidhur me stafin gjithashtu duhet të përmirësohen dhe vëmendje do t’iu kushtohet këtyre fushave gjatë punës së ristrukturimit.

Në takim janë miratuar rekomandimet e dala nga Ministria e Shëndetësisë lidhur me rishikimin funksional të saj.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës ku me pas do të ketë edhe konferencë për media. (Ndërtesa e Qeverisë, ora 8:30)

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

- Valbon Krasniqi, ud. drejtor i përgjithshëm i ShSKUK-së dhe Ministri i Shëndetësisë, Armend Zemaj mbajnë konferencë për medie, në lidhje me rikthimin e shërbimeve shëndetësore, përfshirë punën e ambulancave specialistike, operacioneve jo emergjente dhe shërbimeve tjera elektive. (Para objektit të  administratës së ShSKUK-së ora 10:00)

- Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)

- Fillon java e tretë e programit publik në Festivalin e Arkitekturës në Kosovë. (Drejtperdrejt në faqen facebook-ut të Festivalin e Arkitektures, ora 18:30)