12 Prill 2021

Ministri Agani po realizon një vizitë zyrtare në Turqi

Prishtinë, 26 mars - Ministri i Shëndetësisë i Republikës së Kosovës dhe njëkohësisht kryetar i Partisë së Drejtësisë, Dr. Ferid Agani po qëndron për një vizitë në Republikën e Turqisë.

Gjatë qëndrimit në Ankara, Ministri Agani mori pjesë në aktivitetet e organizuara nga Partia e Bashkimit të Madh, me rastin e trevjetorit të vdekjes së z. Muhsin Jazixhiollu, themeluesit të Partisë së Bashkimit te Madh si dhe Kryetarit të Parë të Grupit të Miqësisë Kosovë-Turqi në Parlamentin e Turqisë.

Në këtë kuadër, Ministri Agani ka mbajtur një fjalim në një Simpozium shkencor ndërkombëtar kushtuar z. Jazixhiollu.

Gjatë qëndrimit në Turqi, Ministri Agani ka pasur rastin të takojë edhe Kryetarin e Republikës së Turqisë, shkëlqësinë e tij, z. Abdullah Gyl si dhe ka pasur një takim me drejtues të Ministrisë së Shëndetësisë së Turqisë. Ministri Agani po ashtu ka vizituar Ambasadën e Republikes së Kosovës në Turqi. 

Diplomatët e Ambasadës së Republikës së Kosovës në Ankara kanë shoqëruar Ministrin Agani gjatë tërë kohës së qëndrimit të tij në Ankara.

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)