22 Prill 2021

Ministri Agani në vizitë të Fondacionit Rumeli në Stamboll

Prishtinë, 11 shkurt - Një delegacion i Ministrisë së Shëndetësisë i Republikës së Kosovës, i kryesuar nga Ministri Ferid Agani dhe zëvendësministri Naim Fetahu po qëndrojnë për një vizitë në Fondacionin Rumeli në Stamboll, me ftesë të Shoqatës së Prishtinasve në Stamboll.

Gjatë vizitës, delegacioni kosovar u informua nga afër me aktivitetet e këtij fondacioni. Njëherësh i vizitoj edhe konviktin e studentëve ballkanas dhe shtëpinë e pleqve të këtij fondacioni.

Ministri Agani në takimin e përbashkët me përfaqësues të Shoqatës së Prishtinasve në Stamboll dhe përfaqësuesve të Fondacionit Rumeli shprehu falënderimet dhe mirënjohjet e tij personale dhe të Qeverisë së Kosovës për kontributin e çmuar që po vazhdon të jap populli turk dhe shqiptarët që jetojnë në Turqi për shëndetësinë dhe shtetin e Kosovës.

Gjatë kësaj vizite në Stamboll, Ministri Ferid Agani ka dhënë një intervistë ekskluzive për Televizonin Tek Rumel. Bashkë me Ministrin në këtë intervistë ishte edhe Kryetari i Komunës së Bajram Pashës të Stambollit, Z. Atila Aydiner.

Gjatë kësaj interviste, Ministri Agani ka folur për angazhimet reformuese në sistemin shëndetësor të Kosovës si dhe ka shprehur mirënjohjen për bashkëpunimim konstruktiv mes dy Ministrive të Shëndetësisë dhe përkrahjen substanciale të Qeverisë turke në sistemin shëndetësorë të Kosovës.

Po ashtu, Ministri Agani ka folur edhe për aspekte të të tjera të bashkëpunimit të suksesshëm midis dy ministrive përkatësë me theks në  bashkëpunimin e ardhshëm.

 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)