08 Shkurt 2023

Mbi 70% e evropianëve plotësisht të vaksinuar

Bruksel, 3 dhjetor - Pothuaj 70,7% e popullsisë së përgjithshme në Evropë përfunduan proçesin e plotë të vaksinimit kundër Covid dhe 66,3% morën të paktën një dozë të vaksinës, sipas të dhënave të fundit të publikuara nga Qendrës Evropiane për Parandalimin e Sëmundjeve (ECDC).

Shkalla e vaksinimit ndryshon gjerësisht në të gjithë kontinentin: përqindjet më të larta të njerëzve që morën dozën e dytë janë vërejtur në Portugali (81,6%), Irlandë (76,4%), Danimarkë (76%), Belgjikë (75,4%) dhe Spanjë ( 74%).  Pas këtyre shteteve pason Italia me 73.3%.

Situata më e keqe është shënuar në Bullgari, ku mbulimi i plotë i vaksinimit është 25.6% e popullsisë (27.2% kanë marrë të paktën një dozë), e ndjekur nga Rumania, me 38.3% të vaksinuarve me dy doza.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)