01 Qershor 2020

Mbi 4,000 të vdekur nga koronavirusi në SHBA

Washington, 1 prill - Numri i të vdekurve nga koronavirusi në SHBA ka tejkaluar shifrën 4.000, tregojnë të dhënat e publikuara sot nga Universiteti "Johns Hopkins".

Të dhënat e Universitetit Johns Hopkins në SHBA tregojnë se 4,076 amerikanë kanë vdekur nga COVID-19 dhe zyrtarë të shëndetit publik paralajmërojnë se kjo shifër mund të arrijë deri në 240,000.

Të dhënat e reja erdhën disa orë pasi presidenti amerikan, Donald Trump paralajmëroi se dy javët e ardhshme do të jenë "shumë të dhimbshme" për SHBA-të për sa i përket vdekjeve nga koronavirusi.

Duke folur në një konferencë për media në Shtëpinë e Bardhë, Trump u bëri thirrje amerikanëve të përgatiten "për ditë të vështira", dy ditë pasi tha se nëse arrijmë të mbajmë numrin e të vdekurve në SHBA nga COVID-19 midis 100 mijë deri në 200 mijë do të ishte një "punë e mirë".

"Unë dua që çdo amerikan të jetë i përgatitur për ditët e vështira që na presin. Ne do të hyjmë në dy javët shumë të vështira", tha Trump.

"Këto dy javë do të jenë shumë të dhimbshme", tha ai.

Gjatë konferencës, mjekja Deborah Birx që drejton ekipin kundër koronavirusit të Shtëpisë së Bardhë, prezantoi një model për numrin e mundshëm të vdekjeve nga sëmundja në SHBA.

Ajo shtoi se midis 100 mijë deri në 240 mijë njerëz mund të vdesin nëse SHBA ndjek udhëzimet për distancën shoqërore dhe shëndetin publik.

Nëse nuk bëhen ndërhyrje, modeli tregon prej 1.5 deri në 2 milionë vdekje në vend.

Administrat e Trumpit vazhdoi masën e distancës shoqërore deri më 30 prill për të frenuar përhapjen e koronavirusit, duke ndryshuar qëndrimin e tij për rihapjen e vendit për biznes me festën e Pashkëve më 12 prill.

SHBA është kthyer në vendin me numrin më të madh të rasteve të konfirmuara me koronavirus, e ndjekur nga Italia, Spanja dhe Kina, ku virusi u shfaq për herë të parë në qytetin kinez Wuhan në dhjetor 2019. Që nga ajo kohë Covid-19 është përhapur në 200 vende dhe rajone të botës.

Numri i të prekurve nga koronavirusi në botë ka arritur në 859.796, me 42.341 të vdekur, njofton Universiteti "Johns Hopkins". Ndërsa në total 178.301 persona janë shëruar nga sëmundja.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)