27 Nëntor 2022

Mbi 30 gra shtatzëna në spital për shkak të Covid-19

Prishtinë, 1 shtator - Në Kosovë janë mbi 30 gra shtatzëna që po shërohen në spitale për shkak të koronavirusit Covid-19.

Shifra është dhënë nga Ministria e Shëndetësisë, që thotë se fatkeqësisht njëra prej tyre ka ndërruar jetë në 24 orët e fundit pas përkeqësimit të gjendjes shëndetësore.

Ministria sqaron se në Klinikën e Gjinekologjisë janë shtruar në ditët e fundit 31 gra shtatzëna, prej të cilave 10 kanë pasur nevojë për trajtim me oksigjen, ndërsa dy të tjera janë shtruar në terapi intensive. Njëra prej viktimave, e datëlindjes 1991 ishte pikërisht në terapi intensive.

Kosova regjistroi 26 viktima të tjera këtë të martë nga Covid, ndërsa numri i të infektuarve u rrit sërish me mbi 1300 raste.

Spitalet në vend janë të tejmbushur, ndërsa për të përballuar situatën, në spitalin e Prishtinës, Ministria e Shëndetësisë njoftoi shtimin e 80 shtretërve të tjerë.

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)