26 Maj 2020

Mbahet Forumi i Ofruesve të Shërbimeve për Personat me Aftësi të Kufizuara

Prishtinë, 18 prill - COD Kosovo në bashkëpunim me Handicap Kosova, Down Syndrome Kosova dhe Shoqatën Evropiane të Shërbimit për Personat me Aftësi të Kufizuara - EASPD, organizojnë Forumin e Parë të Ofruesve të Shërbimeve për Personat me Aftësi të Kufizuara në Kosovë.
 
Asociacioni Europian i Ofruesve të Shërbimeve për Personat me Aftësi të Kufizuara – EASPD, është OJQ jofitimprurëse në sektorin e aftësisë së kufizuar, e cila promovon pikëpamjet e mbi 17,000 shërbimeve sociale dhe shoqatave të tyre ombrellë.

Janë mbi 80 milionë persona me aftësi të kufizuara në të gjithë Evropën. Qëllimi kryesor i EASPD është promovimi i mundësive të barabarta për personat me aftësi të kufizuara përmes sistemeve të shërbimeve efektive dhe me cilësi të lartë.
 
Forumi synon të bashkojë ofruesit e shërbimeve për personat me aftësi të kufizuara dhe së bashku me ekspertët nga EASPD dhe institucionet përkatëse të angazhuara në fushën e shërbimeve të vazhdohet puna e përbashkët për përmirësimin e sektorit të shërbimeve dhe duke bërë këtë kontribuojnë në përmirësimin e cilësisë të jetës së personave me aftësi të kufizuara në Kosovë.
 
Forumi do të mbahet në Hotel Sirius, 18 Prill, 2019. Forumi është organizuar me mbështjetjen financiare nga Bashkimi Evropian, Qeveria Suedeze dhe donator të shumtë privat. 
 

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)