05 Tetor 2022

Mbahet edicioni i tretë për shëndetin e grave 'Race for the Cure Kosova'

Prizren, 26 shtator - Organizatat e Kancerit të Gjirit kanë njoftuar se sot në Sheshin e Lidhjes se Prizrenit do të mbajë edicionin e tretë të Race for the Cure Kosova 2021.

'Race for the Cure' është ngjarja më e madhe sportive e Evropës për shëndetin e grave. Ndihmon organizatat dhe spitalet e kancerit të gjirit për të mbledhur fonde dhe për të rritur ndërgjegjësimin.

Me 500,000 diagnostikime të reja dhe 125,000 njerëz që vdesin nga kanceri i gjirit në Evropë çdo vit, këto fonde janë të një rëndësie jetike. Tani më shumë se kurrë.

Vitin e kaluar, megjithë kufizimet e COVID-19, Organizatat e Kancerit të Gjirit vërtetuan se janë më të fortë së bashku.

Dhjetëra mijëra njerëz u regjistruan dhe vrapuan ose ecën në lagjen e tyre me familjen, kolegët dhe miqtë.

'Ne ishim të mbingarkuar me donacionet e mbledhura për organizatat bamirëse të kancerit të gjirit në 32 vende të Evropës.'

'Përsëri këtë vit, në disa vende, ne mund të jemi fizikisht të ndarë, por gjithsesi mund të lidhemi dhe të bashkohemi, ku dhe kur na lejojnë masat e koronavirusit.'

'Ne mund t'u tregojmë komuniteteve tona se jemi më të fortë së bashku dhe se do të vazhdojmë të luftojmë kancerin e gjirit. Pandemia ka anuluar shumë momente të rëndësishme në jetën tonë, por misioni ynë nuk është anuluar dhe as Race for the Cure', theksojn Organizatat e Kancerit të Gjirit.

Krijoni një lëvizje të madhe rozë në internet! Ndani stërvitjet tuaja, veshjet rozë, përgatitjet, takimet në mediat sociale, përdorni hashtag-un tonë # RFTC2021 dhe frymëzoni njerëz të tjerë të marrin pjesë. Vazhdoni të lëvizni, të argëtoheni dhe përkrahni kujdesin shëndetësor të grave në Evropë!
 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)