01 Qershor 2020

Maqedonia e Veriut shpall epideminë e fruthit

Shkup, 16 prill - Ministria e Shëndetësisë e Maqedonisë së Veriut ka shpallur epideminë e fruthit në gjithë territorin e vendit. Shkas për një vendim të tillë është rritja e numrit të personave të prekur nga kjo sëmundje dhe frika e përhapjes me pasoja më të mëdha.

Sipas komisionit për sëmundjet ngjitëse, nga fillimi i vitit janë regjistruar katër viktima nga fruthi kurse 961 të tjerë janë infektuar, 60 për qind prej të cilëve janë jashtë Shkupit. Sëmundja ngjitëse më së shumti ka prekur fëmijët.

“Më shumë se 70 fëmijë të prekur nga fruthi janë hospitalizuar, prej të cilëve 55 janë në Klinikën e Sëmundjeve Infektive, ndërsa 15 në Klinikën e Sëmundjeve të Fëmijëve. Prej tyre më shumë se shtatë janë në gjendje të rëndë, por të gjithë janë hospitalizuar sepse ka pasur komplikime nga fruthi”, shtoi Mikiq, deklaroi drejtori i institutit të shëndetit publik, Vlladimir Mikiq

Ai ka bërë të ditur se shpallja e epidemisë ka për qëllim zbatimin e masave plotësuese për parandalimin e përhapjes së sëmundjes ngjitëse, uljen e infektimeve të reja si dhe parandalimin e formave të rënda të sëmundjeve si pasojë e fruthit.

“Një nga masat është ndalimi i vizitave në çerdhe, ndërsa një masë tjetër ka të bëjë e uljen e moshën së vaksinimit nga 12 në 6 muaj. Gjithashtu, çdo person mbi 14 vjeç mundet lirisht të vaksinohen në qendrat e shëndetit publik”, ka deklaruar Mikiq duke bërë të ditur edhe vendimin për vaksinimin e punonjësve shëndetësor pasi shumë prej tyre janë infektuar nga sëmundja ngjitëse.

Instituti i Shëndetit Publik ka ndaluar edhe vizitat nëpër spitale ndërsa kontrolle do të ketë edhe për punonjëset nëpër kopshte.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)