22 Prill 2021

Kryhet një operacion i ndërlikuar tek një ish- luftëtarë i UÇK-së

Prishtinë, 11 prill - Në Repartin e Kirurgjisë Vaskulare të Qendrës Klinike Universitare të Kosovës (QKUK), është prezantuar rasti i operacionit të suksesshëm i pacientit Kadri Siarina (1979), i cili kishte probleme me komunikimin e gjakut arterial dhe atij venoz në këmbën e majtë përmbi gju, që ishte shkaktuar më herët si pasojë e plagosjes në luftë si ushtarë i Ushtrisë Çlirimtare të Kosovës.

Pacienti Siarina, më herët kishte kërkuar trajtim në Spitalin Acibadem në Turqi dhe i është thënë se për ta kryer këtë intervenim duhet paguar 13.000 euro, por nuk i ishte premtuar se operacioni do të kishte sukses, meqë rrezikshmëria ishte e madhe.

Dr. Valbon Gashi, kirurg vaskularë, i cili ka kryer operacioni tha se pacienti ka  pasur probleme me komunikimin e gjakut arterial dhe atij venoz në këmbën e majtë përmbi gju, e cila ishte shkaktuar si pasojë e plagosjes me armë zjarri.

“Pacienti ishte plagosur si ushtarë i UÇK-së gjatë luftës, para 12 viteve dhe duke pasur parasysh faktin se bëhej fjalë për një ndërhyrje të vështirë, i ishte rekomanduar të shkonte ta kryente intervenimin në Turqi me metoda të mbyllura, por ata nuk i kishin premtuar se do të siguri, meqë rrezikshmëria është tejet e lartë”.

Ai tha se pacienti ishte kthyer nga Turqia pa kryer operacioni dhe prapë kishte kërkuar mjekim në QKUK, përderisa pasi ishte konsultuar me ekipin mjekësore kishte vendosur që intervenimin ta kryenin në QKUK.

“Operacioni ka zgjatur 5 orë, nuk ka pasur komplikime dhe pacienti tani mund të ecë dhe nuk ka problemet që kishte më herët”

Dr. Gashi, apeloi tek të gjithë pacientët që mos të drejtohen pa nevojë jashtë vendi, shumica e intervenime nga kirurgjia vaskulare mund të kryhen edhe në QKUK.

Në anën tjetër, pacienti Kadri Siarina, tha se fillimisht i ishte thënë se mund të kishte komplikime gjatë operacionit dhe ishte drejtuar për operacion jashtë vendi.

“ Kam qenë në Turqi në Spitalin Acibadem, më kanë thënë se operacioni është me rrezikshmëri të madhe dhe nuk më garantuan se do të kisha sukses”.

Ai tha se pas operacionit që ka kryer Dr. Gashi, tani ai po mund të ecë pa probleme dhe nuk ka dhembjet që dikur i ndjente.

“ Gjatë luftës nuk kam kryer operacion, por vetëm më është lidhur plaga, në vitin 2005 kanë filluar të shfaqen problemet, kisha mpirje këmbe dhe probleme të tjera”

 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)