22 Prill 2021

Kryhet me sukse ndërhyrja kirurgjike me karcinomë të mushkërisë

Prishtinë, 4 prill - Në Repartin e Kirurgjisë Torakale të Qendrës Klinike Universitare të Kosovës(QKUK), për herë të parë, me sukses të plotë është kryer një ndërhyrje kirurgjike e komplikuar tek një pacientë me karcinomë të mushkërisë.

Operacioni ka zgjatur më shumë se 4 orë dhe është  kryer nga  Dr. Safet Beqiri, Shef i Repartit të Kirurgjisë Torakale – Onkologjike  në Klinikën Kerckhoff të Gjermanisë me asistimin e specialistëve të Kirurgjisë Torakale në QKUK. 

Pacienti i operuar është i moshës 54 vjeçare dhe pas operacionit  ai ka gjendje stabile shëndetësore.   Dr. Safet Beqiri, në emër të Kerckhoff Klinikës, tha se ndjehet i lumtur që pati fatin që të jetësoi në praktikë marrëveshjen e bashkëpunimit që ishte lidhur me 4 janar të këtij viti ndërmjet Ministrisë së Shëndetësisë, Qendrës Klinike Universitare dhe Kerckhoff Klinikës nga Gjermania.

“ Operacioni i tillë në Klinikën ku unë punoi  në Gjermani kushton mbi 20 mijë euro dhe pacienti nuk ka pasur mundësi të paguaj, andaj falë marrëveshjes së arritur më parë kjo ndërhyrje është kryer me sukses në QKUK dhe gjithçka ka shkuar mirë dhe përgatitjet  kanë qenë në nivel të duhur”.

Dr. Beqiri tha se me realizimin e operacioneve të tilla, kursehet buxheti i Kosovës,  arrihet edukim i mirë profesional për stafin dhe  ngritet niveli i shëndetësisë kosovare.

Ai tha se me punën dhe angazhimin e stafit vendor, por edhe me përkrahje më të madhe nga Qeveria dhe institucionet tjera vendore, brenda 5-10 vite Reparti i Kirurgjisë Torakale në QKUK  mund të bëhet qendër referente për tërë Ballkanin, meqë Kosova ka kuadro të mira në lëmin e shëndetësisë.    Sipas tij, bashkëpunimi i nisur mes QKUK-së dhe Kerckoff Klinikës do të vazhdojë edhe në të ardhmen me raste të tjera që ka nevojë të operohen, jo vetëm nga Kirurgjia Torakale, por edhe lëmitë  e tjera.


Dr. Nijazi Gashi, Drejtor Ekzekutiv në QKUK tha se ky është fillim i mirë i realizimit konkret të bashkëpunimit në mes të dy Qendrave Klinike Universitare.

“Jemi duke punuar vazhdimisht për të realizuar marrëveshje të tilla në mënyrë që trajtimi i pacientëve të bëhet në QKUK dhe mos të kenë nevojë pacientët të dalin jashtë vendi, do ta sigurojmë materialin  dhe pajisjet e tjera të nevojshme për punë”.

 Sipas tij,  rastet e tilla të operacioneve të suksesshme dëshmojnë se në QKUK ka kuadro dhe se përpjekjet janë që vazhdimisht të shtohet numri i shërbimeve që ofrohen dhe pacientët mos të drejtohen pa nevojë jashtë vendi.

Në anën tjetër, Dr. Fitim Selimi, Shef i Kirurgjisë Torakale në QKUK, tha se ka qenë një rast i mirë që mjekët e këtij Reparti të njohën me përvojat e reja. “ Neve na ka munguar përvoja në këtë drejtim dhe falë punës së Profesor Beqirit, nga afër patëm rastin të asistojmë në një rast të komplikuar”.

Bashkëpunimi i nisur ndërmjet QKUK-së dhe Kerckhoff Klinikës do të vazhdojë edhe në të ardhmen  në fushën e Kirurgjisë Torakale dhe fusha të tjera me rëndësi jetike për pacientët dhe shëndetësinë kosovare.


 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)