22 Prill 2021

Kosova në Ditën Ndërkombëtare të Fëmijëve me Kancer

Prishtinë, 15 shkurt - I vetmi institucion në Kosovë për trajtim të fëmijëve me kancer është reparti Hemato-Onkologjik i Klinikës Pediatrike në QKUK.

Me aktivitetet e veta ky institucion kryen një detyrë humane duke mundësuar trajtimin e fëmijëve në vend. Kjo ju mundëson këtyre fëmijëve të jenë pranë familjeve të tyre në momentet më të vështira.

Trajtimi i këtyre fëmijëve në vend kursen në masë të madhe buxhetin e familjeve të tyre dhe buxhetin e Kosovës.

Stafi i Repartit ka bashkëpunim të mirë dhe të pandërprerë me organizatat ndërkombëtare Cure 2 Children (Itali) dhe Kinderklinik, LKH - Graz (Austri) të cilët janë të kyçur në përcjellje të trajtimit të pacientëve në vend.

Edhe KFOR Italian, klinika A GEMELLI Roma, si dhe SOS Infantia del Mondo kanë ndihmuar apo ndihmojn ende fëmijëve kosovar me kancer.

Edhepse kohëve të fundit ka përparim në përkrahje nga Ministria e Shëndetësisë, ende nevojitet nivel më i lartë dhe i pandërprerë i përkrahjes institucionale.

Stafi i repartiti ka arritë sukses që të trajton në Kosovë pacientët me forma më të lehta të kancerit.

Ata janë të gatshëm të rrisin numrin e pacientëve që do të mund të trajtoheshin me përqindje edhe më të lartë të suksesit poqese do të mund të kenë përkrahje më të mirë nga shërbimet përcjellëse laboratorike, zgjerimit të listës së barnave esenciale dhe mundsimit të zgjerimit të stafit dhe trajnimeve të mëtejme të stafit ekzistues.

Në punët ditore reparti ballafaqohet edhe me pengesa banale pasi ka mungesë të materialit shpenzues specifik për diagnostifikim dhe përcjellje të trajtimit.

Prindërit dhe familjaret e fëmijëve me kancer janë organizuar me punë vullnetare në shoqatën Ndihmë Fëmijëve me Kancer (NFK) që të mund të gjejnë zgjidhje për përballim të këtyre pengesave.

Përveç aktiviteteve të përkrahjes së punës së këtij reparti, siç është blerja e pajisjes për diagnostifikim të  hershëm të Leukemisë, NFK vepron edhe në ngritje të vetëdijësimit të nevojës për përparimin e kualitetit të mjekimit të fëmijëve të sëmuar.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)