22 Prill 2021

Komuna e Mitrovicës mbështetë personat me aftësi të kufizuar

Prishtinë, 20 janar - Mbështetja e Komunës së Mitrovicës për “Handikosin”, gjegjësisht për personat me aftësi të kufizuara dhe Shoqatën e të shurdhëve do të rritet gradualisht në mënyrë të ndjeshme. Këtë e premtoi koordinatori i Njësisë për drejtat e  njeriut, Fitim Rama dhe zyrtarja për Barazi gjinore, Sanije Behrami, gjatë një vizite që kanë zhvilluar në këto dy shoqata.

Rama ka thënë se viteve të fundit Komuna e Mitrovicës, ka realizuar projekte të ndryshme që kanë të bëjnë me personat me aftësi të kufizuara. Ai ka përmendur projektin për pjerrinat në rrugët e qytetit, mandej sigurimin e një zyre, parkingut të nevojshëm etj.

Gjithashtu ai ka numëruar edhe ndihmën e dhënë nga Komuna për regjistrimin e automjetit për transportimin e fëmijëve, të cilët vazhdojnë fizioterapinë dhe psikoterapinë. “Një kontribut tjetër sa i përket sigurimit të kushteve për “Handikosin” e ka dhënë edhe Drejtoria për Mirëqenie Sociale, duke siguruar karburantet për automjetin e shoqatës”.

Në anën tjetër, mbështetjen e komunës e kanë vlerësuar si tejet të rëndësishme edhe drejtuesit e këtyre shoqatave. Myrvete Hasani, menaxhere e “Handikosit”, tha se kryetari i komunës dhe gjithë drejtorët komunalë janë duke ofruar përkrahje të madhe për krijimin e kushteve më të mira për ta”.

Ndërsa si probleme ka përmendur mungesën e një hapësire të nevojshme për aktivitetet e të rriturve. Sa i përket objektivave të “Handikosit” për këtë vit, ajo përmendi lobimin dhe avokimin për personat me aftësi te kufizuara, mandej aftësimin profesional  etj.

Zyrtarët komunalë janë takuar edhe me kryetarin e Shoqatës së të shurdhëve, Burim Preteni dhe intepreten Zejnepe Sylejmani, të cilët janë ankuar për kushte të vështira të punës. Ata kërkuan t’u ndihmohet sa i përket punësimit të një sekretari, mandej për pagesën e  energjisë elektrike, për rinovimin e zyrave etj.
 

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)