13 Dhjetor 2019

Kardiologjia invazive nuk ka listë të pritjes për stentim

Prishtinë, 23 korrik – Mes vështirësive, Kardiologjia Invazive filloi punën në vitin 2008. Në krye të një ekipi mirë të trajnuar, pavarësisht rrethanave të kohës, kardiologu Basri Sejdiu bëri koronarografinë e parë.

I vetëdijshëm për nevojën e zgjerimit të shërbimeve për probleme në zemër, pas 1 viti kreu të parin tentim.

“Mund ta përshkruash si një ndjenjë shumë të veçantë, kur kemi arritur që të gjithë pacientëve, pa dallim moshe, gjinie, race që t’ua hapim derën dhe në Qendrën Klinike Universitare të trajtohen, qysh mund të trajtohen edhe në vendet më të zhvilluara europiane”, thotë Sejdiu.

Kardiologjia, ditë më parë, aktivizoi angiografin e ri. Sejdiu bëri intervenimin e parë me të për rrumbullakësuar misionin, që e nisi para 11 vjetësh.

“Angiografi i ri e hap një epokë të re në historinë e Kardiologjisë Invazive, sepse dy aparate dhe dy salla na e mundësojnë tani që të gjithë pacientët në Kosovë të trajtohen në dy orët e para”, thekson Sejdiu.

Në Kardiologjinë Invazive sot nuk ka listë të pritjes për stentim, derisa infarkti akut trajtohet në 2 orët e para.

Kalendari

Ngjarjet e datës 14 dhjetor 2019

- Aleanca Franceze e Prishtinës me mbështetjen e Ambasadës Franceze organizon një punëtori gatimi për fëmijë me kuzhinierin francez Christophe Dovergne. (Aleanca Franceze, ora 10:30)

- Projekti i Tech Heroes organizon takimin e të rinjëve për të punuar në idetë e tyre me mbështetjen e ekipës së Akademisë jCoders dhe ekspertëve tjerë në fushën e IT. (Pylli i Arinjëve në Prishtinë, ora 10:30)

- Mbahet mbledhja e Kryesisë së Lidhjes Demokratike te Kosovës. (Selia e LDK-së, ora 11:00 - mediat mund të marrin pamje në fillim të takimit)

- Qendra Kosovare për Studime të Sigurisë organizon konferencën për media ku do të bëhet publikimi i gjetjeve të Edicionit të nënte vjetor - Barometrit Kosovar të Sigurisë 2019. (Hotel Sirius, ora 11:00)

- Kryeministri në detyrë, Ramush Haradinaj, merr pjesë në Akademinë Përkujtimore për heroin Mujë Krasniqi - Kapuqi dhe 40 bashkëluftëtarët e tij. (Pallati i Rinisë, ora 16:00)