20 Shtator 2020

Italia konfirmon një ngadalësim i nivelit të përhapjes së koronavirusit

Romë, 24 mars - Italia ka konfirmuar rritjen e numrit të vdekjeve nga koronavirusi i ri (COVID-19) në 6.820, me 743 vdekje të raportuara vetëm në 24 orët e fundit.

Shifrat e fundit të Departmentit të Mbrojtjes Civile të Italisë tregojnë se numri i përgjithshëm i rasteve të infektuara në vend vazhdon të rritet, por me një ritëm më të ngadaltë për ditën e tretë me radhë.

Po ashtu u konfirmua një ngadalësim i nivelit të përhapjes së koronavirusit, pasi rastet e infektuara arritën në 54.030 me një rritje prej 7 për qind në 24 orët e fundit.

Epiqendra e shpërthimit në Itali mbetet rajoni verior i Lombardisë, i cili numëron 4.178 viktima.

Kabineti i qeverisë italiane sot miratoi një dekret të ri, i cili paraqet sanksione më të fuqishme dhe gjoba më të larta për qytetarët që shkelin rregullat e bllokimit.

Të shtunën e kaluar, kryeministri italian, Giuseppe Conte, shpalli rregulla të reja të bllokimit për të luftuar përhapjen e koronavirusit, duke imponuar një ndalesë për të gjitha kompanitë jo-strategjike të vendit. Por masat u kritikuan nga partitë opozitare, grupet e biznesit dhe sindikatat.

Sindikatat kanë kërcënuar me një grevë në mbarë vendin për të protestuar kundër masave dhe menaxhimit të qeverisë me krizën.

Pas shfaqjes në Wuhan të Kinës dhjetorin e kaluar, koronavirusi është përhapur në të paktën 169 vende dhe rajone. Organizata Botërore e Shëndetësisë (OBSH) ka shpallur shpërthimin një pandemi globale.

Sipas të dhënave nga Universiteti John Hopkins në Maryland, numri i rasteve të konfirmuara në të gjithë botën ka tejkaluar shifrën 407 mijë, me mbi 18 mijë vdekje dhe mbi 103 mijë të shëruar.

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)