Dublin, 20 tetor - Situata në Europë për shkak të koronavirusit është mjaft shqetësuese.

Për këtë arsye, Irlanda është vendi i parë në Europë që rikthehet në izolim, por shkollat do të qëndrojnë të hapura.

Kryeministri irlandez Michael Msrtin, i ka kërkuar popullit zyrtarisht, që të qëndrojë në shtëpi por duke nënvijëzuar se dyert e shkollave do të qëndrojnë të hapura.

Rregullat e reja, që do të hyjnë në fuqi për 6 javët në vijim, prej mesnatës së të mërkurës, përfshijnë mbylljen e çdo aktiviteti tregtar, jo të domosdoshëm dhe limitojnë aktivitetin e bareve dhe restoranteve, duke lejuar që klienti ta marrë porosinë me vete.