21 Janar 2021

Intelektualët e Dritës dhurojnë karroca për shëndetësinë primare dhe sekondare

Gjilan, 1 dhjetor - Grupi i tifozëve të klubit të futbollit Drita, Intelektualët, i kanë dhuruar të martën dhjetë karroca për nevoja të pacientëve në shëndetësinë primare dhe sekondare.

Në emër të Komitetit emergjent të Gjilanit, donacionin e ka pranuar drejtori i Shëndetësisë, Selami Xhemaili, i cili ka falënderuar grupin e tifozëve Intelektualët për këtë donacion, duke thënë se kjo ndihmë në kohë pandemie është tejet e mirëseardhur.

Fisnik Salihu, në emër të tifo klubit Intelektualëve, tha këtë iniciativë e kanë marrë me të kuptuar nevojat që ka shëndetësia primare dhe sekondare e kësaj komune.

“Në këtë rast, duhet ta falënderojmë presidentin e klubit, Valon Murseli dhe tifozët tanë që u janë përgjigjur pozitivisht thirrjes për mbështëtje. Shpresojmë që këto karroca do t’iu shërbejnë pacientëve dhe shpresojmë që kjo pandemi të kalojë shpejtë”, ka thënë Salihu.

Fjalë falënderimi për këtë donacion të Intelektualëve pati edhe drejtori klinik i Spitalit të Përgjithshëm të Gjilanit, Dr. Ukshin Ismaili dhe drejtoresha e Qendrës Kryesore të Mjekësisë Familjare, Dr. Arbenita Hajdari.

 

Kalendari

Ngjarjet e datës 21 Dhjetor 2020 - Kryeministri në detyrë Avdullah Hoti zhvillon homazhe te varri i ish presidentit Ibrahim Rugova. (Velani, ora 10:00)

- Kryesia e Lidhjes Demokratike te Kosovës bën homazhe te varri i Presidentit Historik të Kosovës, Dr. Ibrahim Rugova, me rastin e 15 vjetorit të vdekjes së tij. (Velani, ora 10:00)

- Mbahet mbledhja e parë e Komiteti për Politik dhe Financa në Komunën e Rahovecit. (Objekti i ri i administratës komunale të Rahovecit, ora 10:00)

- Mbahet seanca gjyqësore ndaj zyrtaritt te Drejtorisë për Migrim dhe të Huaj, Maxhun Maloku për keqpërdorim te pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)
 
- Kryeministri në detyrë Avdullah Hoti merr pjesë në fillimin e punimeve në zgjerimin e rrugës në hyrje të qytetit të Ferizajt. (Ura afër fshatit Bibaj, ora 11:00)

- Ambasadorja suedeze, Karin Hernmarck, dhe Ushtruesi i Detyrës së Shefit të Misionit të OSBE-së në Kosovë, Kilian Wahl, do të organizojnë një konferencë për shtyp në Prishtinë për t’i prezantuar prioritetet e Kryesimit suedez të OSBE-së për vitin 2021. (Hotel Sirius, ora 11:00)

- Kryetarja e KQZ-së, znj. Valdete Daka do të mbajë konferencë për media. (Selia e KQZ, ora 12:00)

- Aleanca Kosovare e Bizneseve mban konferencën për media me temë ''14 kërkesat e AKB-se, bizneseve dhe konsumatoreve deri me 14 shkurt, kur edhe përfundojn zgjedhjet lidhur me rritjen e mirëqenies qytetare dhe pasurimin dhe implementimin e Ligjit për Rimëkëmbje Ekonomike për vitin 2021''.  (Salla e konferencave të AKB-së, ora 13:00)

 - Kryeministri në detyrë Avdullah Hoti merr pjesë në akademinë për ish presidentin Ibrahim Rugova. (Teatri i Gjilanit, ora 14:00)    

- PDK dega në Prizren, bën prezantimin e kandidatëve për deputetë, për zgjedhjet e jashtëzakonshme nacionale të 14 shkurtit 2021. (Restaurant ''Rexos'' në Lubizhdë, përballë stacionit të policisë, ora 19:00)