07 Shkurt 2023

Hapet programi “Vizita në shtëpi për gratë shtatzëna dhe fëmijë 0-3 vjeç”

Prishtinë, 25 janar - Drejtoria e Shëndetësisë në Komunën e Prishtinës në bashkëpunim me zyrën e UNICEF-it në Kosovë, Ministrinë e Shëndetësisë dhe AMC hapë zyrtarisht programin “Vizita në shtëpi për gratë shtatzëna dhe fëmijë 0-3 vjeç”.

Qëllimi i programit “Vizita në shtëpi për gratë shtatzëna dhe fëmijë 0-3 vjeç” është mbrojtja dhe avancimi i shëndetit të nënave dhe fëmijëve dhe mirëqenia e tyre, me fokus në kujdesin gjatë shtatzënisë dhe pas saj te gratë dhe fëmijët në zona rurale dhe në komunitete të margjinalizuara.

Programi fillon sot në Qendren Kryesore të Mjekësisë Familjare ku me këtë rast do të realizohet vizita e parë në shtëpi dhe gjithashtu do të bëhet pranimi i një veture e cila dhurohet nga UNICEF-i si mbështetje për realizimin e këtij programi.

Në aktivitetin e hapjes së programit, të pranishëm në këtë ngjarje do të jenë Kryetari i Kryeqytetit, Përparim Rama, Drejtori i Shëndetësisë Dr. Izet Sadiku, Ambasadori i Luksemburgut Eric Dietz dhe znj. Nona Zicherman, shefe e zyrës së UNICEFIT në Kosovë.

Gjithashtu pritet të vijë edhe Ministri i Shëndetësisë z.Arben Vitia

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)