22 Tetor 2020

Gjilani në mbështetje të regjionit kundër Covid-19, mbështet edhe Ranillugun

Gjilan, 25 mars - Në vazhdën e takimeve të vazhdueshme me regjionin e Anamoravës, sot, nënkryetari i Komunës së Gjilanit, Arbër Ismajli, bashkë me Drejtorin për Shëndetësi, Selami Xhemaili, kanë vizituar Komunën e Ranillugut dhe i kanë dhënë mbështetje me masat mbrojtëse për shërbimet emergjente që jepen për qytetarët në këtë komunë.

Nënkryetari Ismajli ka thënë se në takim me kryetarin Vladica Aritonović, kemi konfirmuar angazhimin maksimal për ta tejkaluar këtë gjendje me ballafaqim të përbashkët si regjion i Anamoravës.

“Pas përkrahjes për Komunën e Vitisë dhe Parteshit, ne po i ofrojmë mbështetjen me material mbrojtës edhe Komunës së Ranillugut, një mbështetje kjo simbolike, për të konfirmuar se jemi së bashku në tejkalim të gjendjes."

"Kryetarit Aritonović, i theksova faktin, se kryetari Haziri, si autorizues regjional i komunave të Anamoravës, për menaxhim dhe vlerësim të situatës me Koronavirus, do të punojë fuqishëm në marrjen e vendimeve të përbashkëta për menaxhim të çdo lloj situate të papritur."

"Vazhdojmë të jemi në mbështetje të përbashkët për ta luftuar armikun e padukshëm, të cilit ende nuk po i dihet jetëgjatësia e veprimit të tij”, ka thënë ai mes tjerash.

Komuna e Gjilanit këtë pandemi e ka marrë me seriozitet maksimal duke mobilizuar të gjitha institucionet dhe në këtë rast edhe gjitha komunat e regjionit të Anamoravës. ​

 

Kalendari

Ngjarjet e datës 22 Tetor 2020  - Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 9:30)

- Lëvizja Vetëvendosje organizon tryezën virtuale më temë 'Sa do të ndikojë moratorimumi një vjeçar për anëtarësimin e Kosovës në organizata ndërkombëtare, në pozicionin ndërkombëtar të Kosovës?' (Online, ora 10:00)  

 - Admovere organizon promovimin e publikimit 'Të Damkosurit e Ballkanit - Shqiptarët dhe Kosova në tekstet alternative gjithëballkanike të historisë'. (Hapësirat e KultPlus Caffe Gallery te Fontana në Ulpianë, ora 10:00)  

- Kryeministri Avdullah Hoti pret në takim deputetët e komunitetit joshumicë. (Ndërtesa e Qeverisë, ora ‪10:30 - vetëm pamje)

- Ministria e Tregtisë dhe Industrisë i njofton mediat se nesër do të lansohet data-baza per tregtinë në shërbime. (Ndërtesa e MTI-së, ora 11:00)

- Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisionit për Mbikëqyrjen e Financave Publike lidhur me Raportin Vjetor i Auditimit. (Ndërtesa e Kuvendit, salla C301, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësues të kompanisë “Kërveshi Partneres” dhe përfaqësuesi te OJQ, “Ngritja e Zërit”. (Ndërtesa e Kuvendit, salla N302, ora 11:00)

- Ministrja e Punëve të Jashtme dhe Diasporë, Meliza Haradinaj - Stublla raporton para Komisionit për Integrim Evropian. (Ndërtesa e Kuvendit, salla N303, ora 12:00)

- Kryetari i Komunës së Prizrenit, Mytaher Haskuka do të merr pjesë në përurimin e adaptimit të rrugës për Komunitetin RAE në rrugën “Rexhep Karaqi”. (Prizren, ora 12:00)

- Fondi për të Drejtën Humanitare dhe KOMRA Rrjeti i Pajtimit organizon debatin mbi Politikat e Kujtesës dhe Praktikat e Përkujtimit në Evropën Juglindore. (Debati do të transmetohet direkt në Facebook dhe Youtube kanalin e KOMRA Rrjeti për Pajtim, ora 17:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmitë e Hidajete Pireva, Mjeke, Qendra Kryesore e Mjekësisë Familjare-QKMF, Fushë Kosovë, Vlora Maholli, Mjeke, QKMF, Fushë Kosovë dhe Hajrie Hoti, Mjeke, QKMF, Prishtinë. (Ndërtesa e Kuvendit, salla N204, ora 14:00)

- Lëvizja Vetëvendosje!, mban konferencë për media në lidhje me skandalin e vjedhjes së më shumë se 2 milion euro nga Thesari i Shtetit. (Zyret e LV-së në Arbëri, ora 15:00)