07 Dhjetor 2019

Gjilani aktivizon të gjitha shërbimet në shëndetësinë primare

Gjilan, 30 korrik - Kryetari i Komunës sot ka bërë nënshkrimin e marrëveshjes tre vjeçare me Caritas Kosova, për mbështetjen e Qendrës Kryesore të Mjekësisë Familjare (QKMF) në Gjilan, duke bërë kështu aktivizimin e shërbimeve shtesë në sektorin primar të shëndetësisë me qëllim të ofrimit të shërbimeve në sektorët e mjekësisë familjare, infermierisë, stomatologjisë, laboratorit, patronazhit, aktivizimin e të gjitha punkteve të Gjilanit dhe shërbime të tjera të emergjencës.

Në fjalën e tij pas nënshkrimit të marrëveshjes, kryetari Haziri ka thënë se arsimi dhe shëndetësia janë dy sektorët prioritar në përkujdesjen e qeverisjes komunale dhe për shërbime me kualitet të lartë profesional dhe shtim të dinamikës së punës por edhe të shërbimeve.

“Komuna e Gjilanit ka bërë zgjidhje për tri vitet e ardhshme. Do të angazhohen 30 profesionistë si staf shtesë dhe atë mjek, stomatolog dhe infermierë të rinj, që do të mbulojnë shërbimet e patronazhit, shërbimet e emergjencës, hapjen e zyrës së nutricistes në QKMF si dhe mbështetje teknike dhe medicinal për QKMF-në në Gjilan”, ka thënë kryetari Haziri.

Ndërsa, drejtori i Shëndetësisë dhe Mirëqenies Sociale, Selami Xhemajli dhe drejtori i QKMF-së Fejzulla Berisha kanë thënë se me mbështetjen e kryetarit Haziri, po krijohen lehtësira në funksionimin e shëndetësisë primare në Gjilan.

Ata kanë thënë se prioritetet që i ka vendosur kryetari Haziri dhe hapësirën që ai po i jep shëndetësisë, si në investimet në infrastrukturë, paisje shëndetësore si dhe në kompletimin e stafit profesional me qëllim të ofrimit të shërbimeve më të mira shëndetësore, janë një stabilitet i fuqishëm në këtë sektor të rëndësishëm për Gjilanin.

Përndryshe, kjo kontratë me Caritasin është trevjeçare dhe do të mundësojë që përpos kuadrove të reja me mjete vetanake të investoj edhe blerjen e dy autoambulancave për shërbimin e Urgjencës në kuadër të QKMF-së, pastaj furnizimin me tensiometra static, tensiometra dore, stetoskop, otooftalmoskop statik, otoskop dore, inhalator, EKG, monitor për përcjelljen e shenjave vitale të pacientit, pulsoksimeter, drita për ekzaminimin e fytit, çanta për terapi për urgjencë dhe për shërbime të tjera në terren.

Kalendari

Ngjarjet e datës 7 dhjetor 2019 - Këshilli Gjyqësor i Kosovës organizon Konferencën e Nëntë Gjyqësore në të cilën do të marrin pjesë tërë struktura e sistemit të drejtësisë në Kosovës për të diskutuar temën: “Të arriturat dhe sfidat e sistemit gjyqësor gjatë vitit 2019”. (Hotel Emerald, ora 9:30)

- Federata e pingpongut të Kosovës do të organizojë turneun më të fortë të vitit 2019,  TOP 12 për Seniorët më të mirë, me të cilat edhe përmbyllen garat për vitin 2019. (Palestra e sporteve në Prishtinë, ora 10:00)

- Federata e Futbollit e Kosovës organizon turneun final të projektit “Rekrutimi i vajzave të reja në futbollin e organizuar” nën moton “Ti mund ta bësh – You Can Do It”, ku do të marrin pjesë ekipet fituese të turneve të mbajtur në 13 komuna. (Kompleksi “Sopa Sport” në Lipjan, ora 10:15)

- Rrjeti i Grave të Kosovës mbledhë 158 organizatat anëtare, përkrahësit individual, partnerët, miqtë, dhe përfaqësuesit e mediave në Kuvendin e 17-të Vjetor të Anëtareve. (Hotel Sirius, ora 10:30)

- Misioni i OSBE-së organizon konferencë ku do të prezantojë aktivitetet që Misioni ka organizuar gjatë vitit 2019 me të rinj, siç janë Akademia e OSBE-së për Dialog, Deklarata Ndër-Komunale për Dialog ndërmjet Komuniteteve, si dhe Lojërat Mini-Olimpike për Njerëz me Nevoja të Veçanta, të cilat kanë sjellë së bashku të rinj nga komunitete të ndryshme. (Hotel Swiss Diamond, ora 11:30)

- Gecjan Fashion Group sjellë për të 13-in Vit me radhë, ngjarjen më të madhe të modës në rajon “Kosova International Fashion Week 2019”. (Salla e panaireve në Shkabaj, ora 18:00)