19 Janar 2020

Diskutohet roli i punonjësve shëndetësorë në përmirësimin e të ushqyerit me gji

Prishtinë, 11 dhjetor - Aksion për Nëna dhe Fëmijë (AMC) organizon sot konferencën për përmirësimin e cilësisë dhe mbështetjen në të ushqyerit me gji nëpër Qëndra të Mjekisësë Familjare (QMF), e cila është duke u financuar nga Organizata Botërore e Shëndetësisë (OBSH).

Kjo konferencë është pjesë e projektit “Përmirësimi i praktikave mike në të ushqyerit me gji” në Kosovë, në bashkëpunim mes Shkollës së Higjienës dhe Mjekësisë Tropikale në Londër dhe AMC, sidhe me mbështetjen e një Komiteti Këshillues Kombëtar.

Konferenca do të mbledh gjithësej mbi 100 profesionistë shëndetësorë që punojnë në kujdesin antenatal dhe me foshnjat nga 0-12 muaj në pesë Qendrat Kryesore të Mjekësisë Familjare si Drenas, Ferizaj, Gjakove, Lipjan dhe Prishtinë.

Punëtoria është krijuar për të theksuar ndikimin e punonjësve shëndetësorë në ushqyerjen me gji, për të sqaruar rolin e tyre në mbështetjen e ushqyerjes me gji dhe t'i frymëzojë ata të bashkë-zhvillojnë një plan për ndryshime pozitive.

Programi përfshin ekspertë kombëtarë dhe ndërkombëtarë dhe ka një fokus në aktivitetet bashkëpunuese.  

Kalendari

Ngjarjet e datës 18 janar 2020 - Federata e Futbollit e Kosovës do të fillojë projektit zhvillimor “Elite Youth Development Programme U15”, i cili do të realizohet në të gjitha regjionet. (Fusha e mbuluar “Prince” në lagjen Arbëri në Prishtinë, ora 9:00)

- Kryeministri në detyrë, Ramush Haradinaj merr pjesë në Akademinë Solemne “Faleminderit Shqipëri”. (Qendra “BogdaniPolis”, Katedralja “Shën Nënë Tereza”, ora 10:00)

- Presidenti i Republikës së Kosovës, Hashim Thaçi, do të marrë pjesë në Akademinë Solemne “Faleminderit Shqipëri”.  (Qendra “Bogdanpolis” në Prishtinë, ora 10:00)

- Teatri i Qytetit të Prishtinës 'Dodona' shfaq premierën për fëmijë “Fjalët magjike” nga Alba Loxha e në regji të Shkurtë Aliut e cila trajton nevojën e përdorimit të fjalëve magjike: “më fal”, “të lutem”, “faleminderit” etj., nga fëmijët. (Teatri Dodona, ora 12:00)