23 Maj 2019

Avdyli akuzon ministrin Ismaili për Ligjin e Sigurimeve Shëndetësore

Prishtinë, 15 shkurt - Deputeti i Lidhjes Demokratike të Kosovës (LDK), Haxhi Avdyli ka thënë se ministri Ismaili pati premtuar që do ta sjell në Kuvend projektligjin për Sigurime Shëndetësore, mirëpo këtë ai nuk e bëri dhe sipas tij nuk do të sjell as në vitin 2019, e as 2020.

Këtë deklaratë, Avdyli e bëri të ditur në një intervistë dhënë për Telegrafin duke thënë po ashtu se projekti për sigurime shëndetësore është shumë i madh dhe kërkon kohë që të projektohet.

“Sigurimi shëndetësorë është pak më i gjerë. Kisha pas dëshirë që këtë vit t’i kemi sigurimet shëndetësore, por kërkoj falje se jo ketë vit por as 2020, me këtë ministër dhe qeverisje. Se projekti për sigurime shëndetësore është shumë i madh”, u shpreh deputeti i LDK-së, Avdyli.

Sipas tij, infrastruktura ligjore është krijuar qysh në qeverisjen e LDK-së, si dhe sistemi i informimit shëndetësore.

“LDK-ja është e para që ka filluar me një projekt shumë substancial ‘Fillimi i sistemit të informimit shëndetësore’. Ky projekt ka filluar të përfshihet në 30 sektore. Ministri Ismaili, ka bërë premtime për vitin 2018 por nuk ka bërë asgjë, e tash ka bërë premtime tjera”, u shpreh ndër të tjera deputeti i LDK-së, Haxhi Avdyli.

Kalendari

Ngjarjet e datës 23 maj 2019 - Instituti për Politikë të Jashtme të Kosovës organizon konferencën "Politika  e Kosovës në këndveshtrim shkencor." (Hotel Sirius, ora 9:30)

- Instituti Riinvest organizon konferencën “Korrupsioni nga ana e ofertës: Perspektiva e bizneseveve”. (Hotel Swiss Diamond, ora 10:00)

- Kryeparlamentari Kadri Veseli mban konferencë për media. (Holli i Kuvendit të Kosovës, ora 10:00)

- Rrjeti Ballkanik për Gazetari Hulumtuese dhe Internews Kosova do ta publikojnë Raportin Vjetor të Monitorimit të Gjykatave për vitin 2018. (Ambientet e objektit A të Pallatit të Drejtësisë, ora 10:00)

- Themelohet Shoqata e Inovacionit Financiar, nga institucione financiare jo-bankare. (Hotel “Sirius”, ora 10:00)

- Anulohet - Forumi Ballkanik organizon tryezën rajonale "Zgjedhjet parlamentare të BE-së dhe implikimet për Kosovën dhe rajonin e Ballkanit Perëndimor". (Hotel Sirius, ora 10:00)

 - Oda Ekonomike Amerikane në Kosovë organizon tryezën e radhës të titulluar Indeksi i Zhvillimit të Sektorit të Prodhimit, ku do të prezantohen të gjeturat e një studimi mbi konkurrueshmërinë e sektorit të prodhimit. (Swiss Diamond Hotel, ora 10:30)

- E Ngarkuara me Punë Coleen Hyland do të flasë me rastin e nënshkrimit të Memorandumit të Mirëkuptimit në mes të partnerit implementues të USAID-it Qendrës për Arsim të Kosovës dhe 7 komunave. (Hoteli Emerald, ora 11:00)

- Ministri i Kulturës, Rinisë dhe Sportit, Kujtim Gashi do të organizojë ceremoninë e ndarjes së shpërblimeve për sportistët dhe trajnerët. (Kabineti i Ministrit të Kulturës, ora 11:00)

- Komisioni për Shëndetësi, Punë dhe Mirëqenie Sociale takohet me Ambasadoren e Suedisë në Kosovë znj. Karin Hernmarck - Ahliny. (Ndërtesa e Kuvendit, salla N 302, ora 11:00)

- Aleanca Kroosvare e Bizneseve organizon konferencën për media me temë "Taksa 100% a është ekonomike a politike kundër Serbisë". (Zyret e AKB-së, ora 13:00)

-  Komisioni Qendror i Zgjedhjeve shpallë rezultatet përfundimtare të zgjedhjeve të jashtëzakonshme për kryetar në komunat: Leposaviq, Zveçan, Zubin Potok dhe Mitrovicë e Veriut. (objekti i KQZ-së, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)