22 Shkurt 2020

Arrihet marrëveshja për funksionalizim të Spitalit të Podujevës

Prishtinë, 23 gusht - Drejtori i Përgjithshëm i Shërbimit Spitalor dhe Klinik Univrsitar të Kosovës, dr. Basri Sejdiu, dhe kryetari i Komunës së Podujevës, Agim Veliu, kanë nënshkruar marrëveshje për funksionalizim të Spitalit të Përgjithshëm në Podujevë.

Qëllimi i kësaj marrëveshje të bashkëpunimit është ndërtimi dhe funksionalizimi i plotë i Spitalit të Përgjithshëm në Komunën e Podujevës.

Marrëveshja parasheh që Komuna e Podujevës, në pajtim me dispozitat ligjore në fuqi, të siguroj dhënien në shfrytëzim të parcelës dhe të objektit ekzistues  SHSKUK-së,për funksionalizim të Spitalit të Përgjithshëm të Podujevës.

Poashtu, Komuna e Podujevës merr përsipër rrënimin e aneksit të objektit ekzistues shëndetësor në hapsirën përkatëse ku do të planifikohet ndërtimi i aneks-objektit të ri të destinuar për nevojat e Spitalit të Përgjithshëm të Podujevës.

Në anën tjetër, SHSKUK merr përsipër të gjitha obligimet për Spitalin e Përgjithshëm të Podujevës, që dalin nga statuti i SHSKUK-së për njësitë përberëse te saj (Spitalet e Përgjithshme).

Në marrëveshje theksohet se SHSKUK merr përsipër ndërtimin e aneks-objektit te ri dhe përshtatjen me objektin ekzistues për nevojat e Spitalit të Përgjithshëm në Podujevë.

SHSKUK obligohet të bëj furnizimin me pajisjet e nevojshme mjekësore në kuadër të reparteve për Spitalin e Përgjithshëm në Podujevë, e poashtu, merr përsipër rekrutimin e stafit shëndetësor dhe administrativ për nevojat e Spitalit të Përgjithshëm në Podujevë.

Kalendari

Ngjarjet e datës 22 shkurt 2020

- Fillon kampionati ekipor në pingpong. (Salla e pingpongut në Prishtinë, ora 10:00)

- Grupi për Studime Juridike dhe Politike organizon konferencën për media ku do të prezantohet punimi me titull “Pesë gjërat që Qeveria e re e Republikës së Kosovës duhet t’i ketë parasysh sa i përket dialogut Kosovë-Serbi”. (Qendra e Konferencave ‘Orion’, ora 10:30)

- Federata e Arteve Mikse Marciale e Kosovës, mban konferencë për medie në prag të organizimit të Kosova Fighting Series 1. (Shtëpia e Sporteve, ora 11:00)

- Anibar International Animation Festival organizon koncertin me "Brumz Blluz". (Kinema Jusuf Gërvalla në Pejë, ora 21:30)