18 Nëntor 2019

Zgjedhjet për kryetar të Istogut shtyhet për 11 prill

Prishtinë, 25 shkurt - Presidenti i Republikës së Kosovës, dr. Fatmir Sejdiu ka nënshkruar sot vendimin, sipas të cilit, zgjedhjet e parakohshme lokale për Kryetar të Komunës së Istogut në Republikën e Kosovës, më parë të shpallura për datën 4 prill 2010, të mbahen më 11 prill 2010.

Vendimi është marrë duke u bazuar në Kushtetutën e Republikës së Kosovës, në Nenin 56, pika 3 (b) të Ligjit për Vetëqeverisjen Lokale, dhe Nenin 4, pikat 1 dhe 4 dhe Nenin 11, pikat 1 dhe 2 të Ligjit për Zgjedhjet Lokale në Republikën e Kosovës, si dhe në marrëveshje me partitë politike dhe me Komisionin Qendror të Zgjedhjeve.

Komisioni Qendror i Zgjedhjeve i Republikës së Kosovës udhëzohet që t’i ndërmarrë të gjitha veprimet e nevojshme për organizimin e zgjedhjeve lokale në përputhje me këtë vendim dhe ligjin në fuqi.

Vendimi i Presidentit të Republikës së Kosovës i marrë më 22 shkurt 2010, me të cilin shpall zgjedhjet e parakohshme lokale për Kryetar të Komunës së Istogut në Republikën e Kosovës për datën 4 prill 2010, shfuqizohet me hyrjen në fuqi të këtij Vendimi, në datën e nënshkrimit. 


Presidenti i Republikës së Kosovës, dr. Fatmir Sejdiu, vendimin për shtyrjen e datës së zgjedhjeve të parakohshme për kryetar të komunës së Istogut e ka marrë pasi eshte konstatuar se 4 prilli, e shpallur fillimisht si datë për mbajtjen e këtyre zgjedhjeve, është festë zyrtare në Republikën e Kosovës, Dita e Pashkëve, e cila nuk ka një datë të fiksuar dhe lëviz nga viti në vit.

Këtë vendim Presidenti e ka marrë në pajtim të plotë me ligjet në fuqi, si dhe pas konsultimeve me Komisionin Qendror të Zgjedhjeve dhe përfaqësuesit e katër partive politike që do të marrin pjesë në garën për kryetar të komunës së Istogut.

Zyra e Presidentit sqaron opinionin se në Zyrën e Presidentit nuk ka pasur asnjë reagim nga asnjë subjekt politik i vendit, as nga subjektet garuese për zgjedhjet që do të mbahen në komunën e Istogut më 11 prill.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)