11 Korrik 2020

Vetë Qeverisja Lokale në Kosovë mbush 20 Vjet

Prishtinë, 22 nëntor - Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet.

Konferenca Vetë - Qeverisja Lokale në Kosovë - 20 Vjet është organizuar nga Shoqata e të Diplomuarve (AA) të Programit Lidershipi Transformues (TLP) për të adresuar sfidat në sektorin e qeverisjes lokale dhe orientimeve strategjike. Krahas kësaj, diskutimi në panel pritet të nxjerrë në pah kontributet e programit TLP-AA në forcimin e qeverisjes lokale në Kosovë.

TLP-AA ka pasur një bashkëpunim të suksesshëm me komunat e Prishtinës dhe Kamenicës, ndërsa synon të zgjerojë bashkëpunimin me komuna tjera në të ardhmen.

TLP-AA u krijua me mbështetjen e Korpusit Qytetar me qëllim të promovimit të angazhimit të vazhdueshëm qytetar të të diplomuarve të programit TLP.

Ata që kanë përfunduar programet studimore të TLP-së tashmë janë dëshmuar në vazhdimësi si bartës të ndryshimeve në fushat e tyre përkatëse.

Në mesin e të diplomuarve të TLP-së përfshihen këshilltarë të lartë në Qeverinë e Kosovës, udhëheqës të shquar të OJQ-ve, sipërmarrës dhe profesionistë të zhvillimit.

 
 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)