22 Prill 2021

Veriu i Kosovës sfidon Kushtetutën

Prishtinë, 16 qershor - Në dyvjetorin e hyrjes në fuqi të Kushtetutës së Kosovës, hartuesit e saj u bëjnë thirrje autoriteteve përgjegjëse që ta zbatojnë atë edhe në veri, ndërsa ICO-ja kërkon zbatimin në terren të dispozitave që kanë të bëjnë me të drejtat e komuniteteve.
Janë bërë dy vjet nga koha kur Kosova është pajisur me dokumentin bazë të shtetësisë - Kushtetutën.

Por, zbatimi në terren i dokumentit që buron nga plani për pavarësi të mbikëqyrur i Marti Ahtisarit vazhdon të hasë në pengesa rreth implementimit, sidomos në pjesën veriore të Kosovës, për faktin e mosnjohjes së saj nga banorët serbë të asaj zone.

Nënkryetarja e Komisionit për Hartimin e Kushtetutës, Nekibe Kelmendi, thekson nevojën për më shumë punë në drejtim të shtrirjes së ndikimit të Kushtetutës edhe në veri.

“Sfidat që do të ishin nga ajo Kushtetutë, do të ishin që të respektohet nga të gjithë, të shtrihet respektimi i saj në të gjitha viset e Kosovës, në të gjitha anët e Kosovës, duke përfshirë edhe veriun e Kosovës. T’i përmbahemi të gjithë Kushtetutës dhe ligjet të jenë në harmoni me Kushtetutën dhe të tjera”, thotë Kelmendi.

Zyra Civile Ndërkombëtare, në bashkëpunim me Qeverinë e Kosovës, kanë hartuar tashmë strategjinë për shtrirjen e autoritetit shtetëror edhe në veri.

Në mbledhjen e së hënës, Grupi Drejtues Ndërkombëtar për Kosovën mbështeti integritetin territorial të vendit, duke kërkuar, në të njëjtën kohë, një qasje më të madhe të autoriteteve vendore e ndërkombëtare në veri.

Zëdhënësi i ICO-së, Endi Mekgafi, thotë se duhet të punohet me kujdes për t’i bindur banorët e pjesës veriore që ta pranojnë Kushtetutën e Kosovës.

“Duhet të ketë kujdes që kjo të mos vendoset në një kontekst tërësisht negativ. Natyrisht se ka shumë punë për t’u bërë, natyrisht se nuk do të jetë e lehtë, por qëllimi i zbatimit të Kushtetutës për të gjithë në Kosovë është një jetë më e mirë, dhe një jetë që zhvillohet drejt anëtarësimit eventual në strukturat euro-atlantike”, shprehet Mekgafi.

Ai thotë se përgjatë dy vjetëve, institucionet kosovare kanë shënuar progres në konsolidimin e institucioneve shtetërore, në decentralizim dhe në fusha të tjera.

Sfidë për të ardhmen, sipas tij, mbetet zbatimi i dispozitave kushtetuese që kanë të bëjnë me të drejtat e komuniteteve.

\"Tani, natyrisht se ka një gamë të gjerë të gjërave të Kushtetutës që duhet të bëhen. Ky është një projekt i vazhdueshëm për Kosovën. Ne në ICO do t’i theksonim dispozitat për të drejtat e komuniteteve, një pjesë e madhe e të cilave ekziston në legjislacion, por të cilat duhet të zbatohen në terren”, thotë Mekgafi.

Kushtetuta e Kosovës ishte miratuar në Kuvend, më 9 prill të 2008-ës, me 41 ligjet bazike shtetërore që burojnë nga Pakoja e Ahtisarit, e të cilat janë harmonizuar me Zyrën Civile Ndërkombëtare në Prishtinë, e cila mbetet përgjegjëse për mbikëqyrjen e pavarësisë së Kosovës dhe zbatimin e Planit Ahtisari.

Autoritetet kosovare deklaruan, ditë më parë, se pavarësisë së mbikëqyrur po i vjen fundi, mirëpo në ICO kjo gjë vlerësohet ndryshe. Mekgafi thotë se Zyra Civile Ndërkombëtare, e cila në fillim të këtij viti reduktoi stafin e vet për diku 10 për qind, do të ndryshojë varësisht nga puna që bëjnë institucionet kosovare lidhur me zbatimin e Planit Ahtisari.

“Mund t’ju siguroj se do të vazhdojmë të shikojmë implementimin e planit gjithëpërfshirës për statusin e Kosovës dhe me përmbushjen e fushave nga ai, ne do të vazhdojmë të reduktojmë praninë e ICO-së. Në fund të fundit, do t’u takojë vendeve anëtare të Grupit Drejtues Ndërkombëtar të japin një mendim mbi këtë gjë”, thotë ai. /rel/

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)