01 Tetor 2020

UNMIK-u të ndikoj të serbet që të respektojnë shtetin e Kosovës

Mitrovicë, 3 shkurt - Kryetari i Komunës së Mitrovicës, Avni Kastrati, ka pritur të mërkurën në takim shefin e UNMIK-ut, Lamberto Zannier me bashkëpunëtorë, me të cilin ka biseduar për gjendjen aktuale në këtë komunë, me theks të veqantë në veri të qytetit.

Kryetari Kastrati, ka theksuar se qëndrimet e komunës janë në harmoni me ato të Qeverisë së Republikës së Kosovës, për vendosjen e rendit dhe ligjit edhe në atë pjesë të vendit, ku strukturat paralele të financuara dhe të dirigjuara nga Beogradi, tentojnë të minojnë çdo lëvizje në drejtim të normalizimit të situatës.

Megjithatë ai theksoi se situata është e qetë, përkundër veprimit të këtyre strukturave paralele, të cilat herë pas herë krijojnë incidente në pjesë të ndryshme të veriut, por që më tepër janë të orientuara në lagjet me popullatë të përzier. 

Me këtë rast kryetari Kastrati, ka mbështetur fuqishëm Strategjinë për integrimin e veriut që është duke u përgatitur nga Qeveria e Kosovës dhe ICO-ja, duke shfaqur shpresën se ajo do të ndikoj për kthimin e normalitetit në këtë pjesë të vendit si dhe shtrirjen e të gjitha institucioneve kosovare atje.

Ai tha se në këtë rast drejtuesit dhe zyrtarët e UNMIK-u mund të ndihmojnë duke ua bërë me dije banorëve serbë që jetojnë në veri, se shteti i Kosovës është duke punuar për të mirën e të gjithë banorëve pa dallim të përkatësisë etnike. “Lidershipi serb në veri nuk ua thotë të vërtetën qytetarëve serbë, por vazhdon t’i manipuloj ata. Në këtë situatë zyrtarët e UNMIK-ut mund të ndihmojnë duke ua sqaruar se ligjet e Republikës së Kosovës ua garantojnë atyre të gjitha të drejtat, të cilat ata mund t’i shfrytëzojnë”.

Në këtë kontekst, kryetari Kastrati tha se ka mbështetjen e institucioneve qendrore edhe për fushën ekonomike, sidomos për investime në infrastrukurë në mënyrë që të krijohen kushte më të mira për jetë  për të gjithë qytetarët e veriut.  

Në takim kryetari Kastrati ka përmendur edhe qështjen e rrethojës përreth selisë së UNMIK-ut në jug të qytetit. Ai tha se është duke punuar që rrethojat në objektet, si komuna, mandej OSBE-ja dhe në këtë rast edhe përreth objektit ku është i vendosur UNMIK-u, të largohen në mënyrë që ky qytet të mos krijoj përshtypjen e një baze ushtarake.

Ai tha se mitrovicasit janë të intersuar për një të ardhme pa dhunë, andaj nga qyteti i tyre duhet të largohen gjërat krijojnë imazhin e një qyteti problematik. Kryetari Kastrati tha se rrethojat nga komuna do të largohen së shpejti, andaj një gjë të tillë e kërkoj edhe nga Zannier.

Në anën tjetër, shefi i UNMIK-ut, në lidhje me këtë kërkesë, tha se do të angazhohet personalisht që kjo të ndodh. Ai theksoi se është dakord me perceptimin që ka kryetari Kastrati për imazhin e qytetit në këtë aspekt. 

Zannier, ka thënë se UNMIK-u do të vazhdoj që të ndihmoj në aspektin e bashkëpunimit ndërmjet komuniteteve, në mënyrë që të mos ketë probleme. “Jemi të gatshëm për bashkëpunim. Së shpejti pritet të rifilloj procesi i rindërtimit në veri. Ne përkrahim kthimin e të gjithë qytetarëve të zhvendosur nga pronat e veta, qoftë në veri apo në jug të qytetit”. 

Në këtë takim, Zannier ka përmendur edhe qështjen e buxhetit për Mitrovicën, ku një pjesë ndahet për veriun. Ai ka thënë se do të dëshironte që kjo të vazhdoj derisa të qartësohet situata në këtë drejtim. 
 

Kalendari

Ngjarjet e datës 1 Tetor 2020 - Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Mbahet seanca gjyqësore kundër Faik Grainca për keqpërdorim të pozitës apo i autoritetit zyrtar nga neni 422 paragrafi 1 të KPRK. (Gjykata Themelore në Ferizaj, salla nr.3, ora 9:30)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Lëvizja Vetëvendosje mban konferencë për media. (Zyret e LV-së në Arbëri, ora 12:00)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)