12 Gusht 2020

Tahirit po i shkelen të drejtat e njeriut përmes lincimit publik

Prishtinë, 9 tetor - Pas një videoincizimi të publikuar nëpër media ku pretendohet se dëgjohet zëri i S.T. dhe një personi tjetër, me një urgjencë kanë filluar hetimet ndaj personave të dyshuar për vepër penale pas së cilave, me vendim të Gjykatës Themelore  të Mitrovicës, dy të dyshuarve u është caktuar masa e paraburgimit  prej një muaji për veprën penale të ushtrimit të  ndikimit.

KMDLNj nuk e paragjykon as fajësinë apo pafajësinë e të dyshuarve të arrestuar sepse këtë e kanë të garantuar me ligj dhe nëse shkelet ligji atëherë cenohet dhe shkelet parimi i Kushtetutës së Republikës së Kosovës për presupozimin e pafajësisë.

Sipas ligjeve në fuqi në Kosovë, përgjegjësia është individuale dhe si e tillë hetohet, gjykohet dhe, në bazë të provave edhe merret vendimi nga gjykata kompetente.

KMDLNJ konsideron se të arrestuarit për vepër penale të ushtrimit të ndikimit janë persona të moshës madhore ndaj të cilëve nuk kërkohet masa e kujdestarisë prandaj, deri më tani, vetëm ata janë të dyshuar dhe nuk lejohet që, përmes interferimit të personave tjerë e që nuk janë të kriminalizuar sepse , jo që nuk ka prova por as dyshime të bazuara  t’i ipet këtij rasti një konotacion tjetër, përkatësisht një pretekst politik të një konteksti të mundshëm kriminal.

Fakti se të arrestuarit për vepër penale janë pjesë e familjes së kryetarit aktual të Vushtrrisë, Xhafer Tahiri, nuk e bënë me automatizëm të dyshuar kryetarin e komunës prandaj është i palejueshëm raportimi ku në plan të parë nuk theksohen të arrestuarit por kryetari i komunës e që del të jetë  më i dyshuar se vet të arrestuarit.

Titujt si : “ arrestohet vëllau i kryetarit të komunës së Vushtrrisë ..”, “ Merret vendimi për vëllanë e kryetarit të Vushtrrisë ...” e të ngjashëm janë tituj paragjykues dhe linçus ndaj kryetarit Tahiri aq më parë që deri më tani ndaj tij nuk është ngritur asnjë dyshim për përfshirje në këtë vepër penale.

Në rastin konkret, KMDLNj vlerëson se kryetarit të Vushtrrisë, z . Xhafer Tahiri i shkelen të drejtat e njeriut, i cenohet personaliteti, dinjiteti dhe autoriteti, pa e provuar me asnjë fakt implikimin e tij në këtë vepër penale andaj, çdo paragjykim i rastit është ndërhyrje në punën e hetuesisë dhe përpjekje për ushtrim ndikimi në gjyqësorë.

 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)