18 Nëntor 2019

Siguria e dokumenteve kriter për liberalizimin e vizave

Prishtinë, 26 shkurt – Sot,  Grupi Punues për Liberalizim të Vizave mbajti takimin e radhës dhe bëri të ditur së kanë dalë disa kritere, ose kërkesa konkrete si hartimi i ligjit për ripranim, rishikimi i mekanizmit për integrimin e personave të riatdhesuar si dhe  siguria e dokumenteve.

Në këtë takim morën pjesë zyrtarë të lartë të Ministrisë së Punëve të Brendshme, anëtarët e grupit punues të të gjitha institucioneve dhe persona të tjerë përgjegjës në këtë fushë.

Koordinatori i grupit punues për Liberalizim të Vizave, Besnik Vasolli në fillim të takimit, theksoi se ”ky është takimi rregullit i grupit punues për Liberalizim të Vizave, i cili po mbahet në baza mujore.

Në këtë takim u diskutuan të gjitha të arriturat të cilat janë bërë prej 15 janarit deri më 15 shkurt të këtij viti, gjithashtu në këtë takim janë informuar edhe për punët tjera të cilat janë bërë gjatë kësaj periudhe, të cilat kanë dalë si kritere kryesore nga takimi i fundit me ekspert të Komisionit Evropian, i cili është mbajtur prej 26 deri më 29 janar”.

Duke folur për kriteret e dala nga takimi me ekspertët e Komisionit Evropian, Vasolli, theksoi se kanë dalë disa kritere, ose kërkesa konkrete nga ai takim, ndërsa ne i veçuam tri më të rëndësishmet.

“Kriteri i parë është hartimi i ligjit për ripranim dhe mund të themi se ka pasur një progres të konsiderueshëm në këtë drejtim. Brenda tri javëve me ekspert të ministrive relevante, në bashkëpunim me ekspert të EULEX-it, ekspert të Komisionit Evropian, të ICO-së, kemi bashkëpunuar rregullisht dhe brenda këtyre tri javëve është hartuar drafti i parë, i cili shkon javën e ardhshme në Qeverinë e Kosovës për aprovim dhe shpresojmë se së shpejti do ta dërgojmë edhe në Kuvendin e Kosovës për aprovim”,- theksoi Vasolli.


Duke folur për kriterin e dytë, këshilltari i ministrit të Punëve të Brendshme, Vasolli, tha se “kriteri  tjetër është rishikimi i mekanizmit për integrimin e personave të riatdhesuar, ju e dini që në Kosovë rregullisht janë riatdhesuar qytetarët tanë dhe ne tani jemi në vazhdën e rishikimit të këtij mekanizmi që ta bëjmë sa më funksional, në mënyrë që ata njerëz që riatdhesohen në Kosovë të kenë një trajtim adekuat dhe sa më të mirë”.

Lidhur me kriterin e tretë, Vasolli, theksoi se ”kriter i tretë i caktuar nga ai takim është edhe siguria e dokumenteve. Ky është edhe kapitulli i parë i Udhërrëfyesit për Liberalizim të Vizave dhe si i tillë është shumë i rëndësishëm, që do të thotë se nuk është vetëm lëshimi i dokumenteve biometrike, por është komplet mekanizmi i lëshimit të dokumenteve, i cili do të jetë shumë i sigurt dhe ne jemi duke u marrë me këtë proces në bashkëpunim me EULEX-in, por edhe me akterë të tjerë relevant. Jemi duke i shikuar të gjitha çështjet që kanë dalë dhe për të cilat duhet t’iu bëjmë zgjedhje. Jemi optimistë se të gjitha këto kërkesa t’i arrijmë brenda këtij gjashtëmujori dhe në këtë mënyrë të dalim me një raport të suksesshëm dhe më në fund ta marrim edhe ne Udhërrëfyesin zyrtarë për Liberalizim të Vizave”,- tha ndër të tjera, Vasolli.

Gjatë takimit disa nga anëtarët e grupit punues për Liberalizim të Vizave raportuan të arriturat gjatë kësaj periudhe njëmujore. Takimi i radhës do të mbahet pas një muaji. 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)