Prishtinë, 7 mars - Pas një takimi të zhvilluar në mes të zëvendëskryeministrit dhe ministrit të Drejtësisë, Prof. Dr. Hajredin Kuçi, dhe kryesuesit të Këshillit Prokuroria të Kosovës, njëherit kryeprokuror i Shtetit, Ismet Kabashi, dhe me qëllim të forcimit të Sistemit të Drejtësisë në Republikën e Kosovës, u vendos të shpallët konkursi për plotësimin e 45 pozitave të lira të punës, për prokurorë të të gjitha niveleve.

Ky vendim është një afirmim për rritjen e përkushtimit ndaj rendit dhe ligjit, andaj rritja e numrit të Prokurorëve, është një sinjal për forcimin e rolit të Prokurorisë kundrejt luftimit të veprave penale, krimit të organizuar, korrupsionit etj.