27 Maj 2020

Server: Veriu i Kosovës nën kontrollin e plotë të Beogradit

Prishtinë, 3 mars - Eksperti i njohur amerikan për Ballkanin, Daniel Server ka deklaruar se veriu i Kosovës është nën kontrollin direkt të Beogradit, duke shtuar se atje nuk ka struktura paralele, por institucione serbe.

Kjo situatë është prezent aty që nga fundi i luftës dhe kështu do të mbetet nëse komuniteti ndërkombëtar nuk bën diçka për të ndryshuar këtë gjendje, deklaroi Server në një intervistë për "Zërin e Amerikës" në gjuhën serbe. Ai shprehet se personalisht përshëndet planin e Piter Feithit, me të cilin serbëve në veri të Kosovës u jepet "një shkallë e lartë e autonomisë, që është me vend", thotë ai.

Server tha se Beogradi ka të drejtë të mos e njohë Kosovën dhe se askush nuk do ta detyrojë ta bëjë këtë, por theksoi se Serbia nuk do të bëhet anëtare e BE-së nëse nuk arrin ndonjë zgjidhje me Kosovën, përkatësisht, njohje de fakto të pavarësisë së saj.

"Serbia nuk mund të presë që të bëhet anëtare e BE-së dhe të mbajë pezull çështjen e Kosovës. Ka ardhur koha që Beogradi dhe Prishtina të fillojnë bisedimet direkte pa ndërmjetësues, por në bazë të barazisë", ka porositur Daniel Server, nënpresident i Institutit Amerikan të Paqes.

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)