18 Nëntor 2019

Serbët kundër ndarjes së Kosovës

Mitrovicë, 16 mars - Delegatët e të ashtuquajturit Kuvend i komunave dhe vendbanimeve serbe të Kosovës kanë marrë sot një vendim, me të cilin ndarja e Kosovës është plotësisht e papranueshme. Këtë e bëri të ditur për media, kreu i këtij organi paralel, Radovan Niçiq.

“Porositë që vijnë për ndarjen e Kosovës nga qarqe të caktuara politike, për serbët e Kosovës janë të papranueshme. Askush nuk ka të drejtë që të shkëpusë Manastirin e Deçanit, atë të Graçanicës, Patriarkën e Pejës dhe me këtë rrota e historisë ta kthejë Serbinë 100 vjet prapa”, tha Niçiq.

Kreu i Këshillit Nacional Serb për veriun e Kosovës, Millan Ivanoviq, paralajmëroi një protestë, e cila, sipas tij, do të mbahet më 24 mars, në Mitrovicë. Protesta, siç thuhet, do të mbahet në shenjë të kundërshtimit ndaj planit të Qeverisë së Kosovës dhe Zyrës Civile Ndërkombëtare për integrimin e veriut në sistemin kosovar.

“Duhet që të gjithë së bashku të angazhohemi kundër kësaj strategjie anti-serbe, strategjisë për spastrim etnik, për gjenocid ndaj serbëve. Duhet që të gjithë së bashku të angazhohemi për të vetmen alternativë dhe ajo është Kosova në Serbi”, u shpreh Ivanoviq.

Zbatimi i strategjisë së Qeverisë së Kosovës dhe Zyrës Civile Ndërkombëtare për integrimin e veriut të Kosovës është i papranueshëm për serbët e kësaj pjese, sidomos për shkak të konotacioneve politike, të cilat i bart në vete kjo strategji, kanë deklaruar para pak kohe politikanët serbë të Kosovës veriore.

Ndryshe, në mesin e konkludimeve të takimit të sotëm në Kuvendin serb, që u mbajt në Zveçan, ishte edhe një kërkesë për ministrin e Jashtëm serb, Vuk Jeremiq.

Atij iu bë thirrje që të kërkojë nga ambasada ruse në Beograd që ta hapë një zyrë konsullore të këtij shteti në veri të Mitrovicës.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)